柳應廷新MV晒隱藏多年好舞功 新歌玩慶典Feel包保聽完好醒神

柳應廷（Jer）2023年第一首作品《從零開始的新世界》，首度參與作曲，MV中更首次獨挑大樑，成為跳唱擔當！

Jer找來曾為他創作《MM7》的樂隊The Hertz主音Herman，以極速一小時完成創作；歌詞方面，則有首度合作的Oscar。Jer說：「有次睇完電影《阿凡達》，覺得套戲不論配樂同都好勁，令我好想做一首關於民族、慶典嘅歌曲，希望可以帶到正面、正能量畀觀眾。」Jer稱香港很少這類型的音樂，覺得大家需要一首朝早聽完好醒神、好有Energy的歌曲。「想做到迪士尼《獅子王慶典》劇場嘅歌曲咁。」

Jer的新作《從零開始的新世界》首度參與作曲。

Jer睇完電影《阿凡達》，好想做一首關於民族、慶典的歌曲。

為了呈現歌中的大世界和慶典的感覺，MV場景也炮製成Jer夢想中的Wonderland。Jer讚嘆製作團隊的精心布局。「廠景好精緻，搭到好似一個森林，好靚，一見到忍唔住Wow咗一聲，得唔得㗎？咁靚！原本幻想係一個原始部落，似阿凡達世界，點知而家好似伊甸園，所以我都好期待MV出嚟係點。」

MV場景炮製成Jer夢想中的Wonderland。

Jer讚嘆製作團隊的精心布局。

Jer好期待MV見街。

除了場景，這次還有Dancer及小朋友參與大型歌舞場面，跟小朋友合作向來甚有難度，但Jer表示：「冇想像中咁困難，大家都好聽話，又聽老師指示，另外好多謝家長願意畀小朋友參與MV。」

MV有好多小朋友參與。

Jer好多謝家長願意畀小朋友參與MV。

問到這次成為MV的跳唱擔當有何感想，Jer笑說，「我一身舞技，只係過去冇將佢show出嚟，隱藏咗咁多年嘅舞功，終於用得着。成為今年嘅跳唱男新人，大家都撐我，你撐唔撐我呀？」另外，如果心水清的話，相信會記得Jer第一首Solo歌《水刑物語》是在2020年2月28日推出，這次再次選擇同月同日推出《從零開始的新世界》，對Jer特別有意義，他說：「三年後嘅今日再由另一個起點出發，呢首歌係一個好好嘅開始。」

《星島頭條》新網站有更多精彩內容：http://www.stheadline.com/