48歲張玉珊超凍齡現身逆齡生長少女味濃 感情空白多年自嘲缺呢樣嘢
淡出幕前轉型從商的張玉珊（Shirley）近年甚少出席公開露面，日前激罕現身一個文化活動，當日張玉珊一身桃色打扮，完全不覺得她已經有48歲，逆齡生長的她，狀態比當年做藝人的時候更要好，果然是最「生招牌」！年紀輕輕的張玉珊，15歲時從回流返港被星探發掘，18歲便正式入行做歌手及拍劇，不過到了25歲時毅然放棄演藝事業，選擇從商，發展減展減肥事業，短短幾年間發展得很好，2003年更成功將公司上市，當時只有28歲的張玉珊，曾經是香港最年輕的上市公司CEO，而當年因為起用過200磅的鄭欣宜做代言人，在短短一年間減去逾100磅，締造出瘦身界神話，亦成為一時佳話！
【點擊睇張玉珊昔日靚相】：
欣宜在15歲時已有235磅，令肥姐非常擔心，於是搵張玉珊幫手減肥，過程中發生了一件令她想放棄：「佢好叻，減咗100磅，但係佢其實好辛苦。有次她返加拿大前住喺我美國屋企，有晚朋友喺度BBQ，準備咗很多肉，佢突然間有一下爆咗，掉晒我哋啲嘢，之後就喊。嗰下有少少震撼咗我，我無諗過有嘢食喺佢面前，要忍住原來咁辛苦，好似我哋著唔到靚衫一樣；嗰陣自己開始反省，佢啱唔啱減肥？後尾有次開會，佢又爆喊，我同佢、同陳淑芬講，不如唔好減住。」
有指身家超過3億的張玉珊，在2016年辭任行政總裁，專注於慈善，可能因女強人形象太深入民心，所以在2006年與向華勝分手後，至今感情未有著落，她曾經表示自己欠缺愛情運，坦言要找一個愛她的人，會比較困難：「我是個不會要求的人，也不會強迫對方配合自己，當思想一旦分歧，很自然漸行漸遠。」
在沒有拖拍的日子，張玉珊依然努力保養自己，她曾經社交平台分享保養兼扮靚心得，除了隔日在朝早喝溫薑水，促進新陳代謝及血液循環外，亦建議隔天早上可喝濃雞湯，護膚方面亦很勤力，早晚都會面膜，而且又會行山做運動，她笑言自己不易曬黑，會有雀斑，所以會做足防曬措施，飲食方面十分節制：「朋友都笑我係雀仔嘴，樣樣食，但吃得不多，我食唔到好多嘢，習慣個胃係細，所以食好少。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
