獨家追蹤丨Jer再做老闆開環保Café 開會試菜落手搬枱一腳踢

去年12月，MIRROR成員柳應廷(Jer)與隊友Jeremy及ERROR成員肥仔等合資開設鐵板燒店，並於30歲生日推出自家品牌「Jungle Lofi」後，今年再度榮升老闆，於啟德開設名為「根root 」的環保概念Cafe。

前日（20日），柳應廷的Cafe舉行開幕禮，邀請了圈內好友如梁祖堯、曾樂彤、小薯茄成員麗英及程人富等到賀，各人都在社交平台恭賀Jer新店開張，現場亦吸引過百「柳柳粉」到場圍觀，幾位老闆一字排開在門外開香檳及剪綵，Jer表達感言時亦解釋了開店的理念：「想喺本地地方有一些紮根文化推廣給大家，例如咖啡；遲些樓上會有一個展覽，希望可以讓大家在城市化的環境底下，有返到大自然的感覺。」

餐廳內有一棵巨型樹木的裝置藝術，據知是由設計師花上足足8日將800塊樹木逐塊拼湊而成。

阿祖亦有出席開幕禮。

800塊木頭拼湊巨樹
Cafe外牆其中一邊以落地玻璃為賣點，採光度十足；另一邊則以樹木為裝飾。Jer向來熱愛大自然，Cafe的主題概念包括「樹木重生三部曲：木的轉生、重逢於根」及「靜水深流」等，不少概念跟Jer過去3年的10首作品微妙呼應。餐廳內有一棵巨型樹木的裝置藝術，據知是由設計師花上足足8日將800塊樹木逐塊拼湊而成。

Jer幾乎日日都在Cafe，認真打點店內大小事，穿着自家品牌衞衣及牛仔褲，戴着黑色漁夫帽現身的他先與幾位圈外好友開會，其後各人開始試菜，桌上有多士、沙律及意粉等，Jer試食後向合夥人提出意見。
會議大概歷時兩小時，Jer喝了一杯黑咖啡便準備開店，即使有店員上班，由試菜到擺設餐椅餐桌，Jer亦事事親力親為，毫無老闆架子。由於餐廳以落地玻璃設計，從門外可以清晰看見餐廳內，Jer看見幾位「柳柳粉」在門外守候，開完會便邀請粉絲入內合照及簽名，更親自揸機自拍，心情相當不錯！
準備離開的Jer友善地對記者揮手，更邊行邊回答記者問題，問到開張會否緊張？他首先答謝記者恭喜，並表示很開心：「籌備咗咁耐嘅心血終於面世，遲啲可能會出篇文解釋店鋪概念，希望可以做到心入面嘅想法。」

Cafe外牆其中一邊以落地玻璃為賣點，採光度十足。

Jer跟拍檔開會。

開完會便邀請粉絲入內合照及簽名，更親自揸機自拍。

見到記者友善揮手。 ​

邊行邊答問題。

未邀請MIRROR撐場
為慶祝Jer再次做老闆，Fans club送上巨型花籃，Jer表示：「好多謝佢哋，好似陸續會有更多花籃，無論係我做嘅音樂作品或其他，所有嘢佢哋都好support，多謝多謝。」其後記者問及會否邀請MIRROR兄弟來撐場？ Jer表示：「未必會邀請啦，大家都好忙又要拍劇又要拍電影，或者遲啲去private一點的場地就可以請佢哋嚟。」

Fans club送上巨型花籃。