初選案｜控方續播「超區」論壇片 涂謹申曾指「如果我哋有35+大把嘢可以玩」

民主派47人涉嫌參與「35+」初選，爭取立法會過半否決財案被控，16人否認串謀顛覆國家政權罪受審。控方今午( 20日 )於西九龍裁判法院繼續播放「超區」選舉論壇片段，涂謹申指「如果我哋有35+大把嘢可以玩，我哋全部（委員會）主席做晒」，鄺俊宇也指出民主派議會過半可以堵截「大白象工程」，也可以否決財政預算案。該案中涂鄺二人未有被控。審訊明( 21日 )續。

被告李予信。禇樂琪攝

李予信：當極權要全方位滲透呢個社會嘅時候 我哋嘅戰場就係要全方位去應對

岑敖暉指「中共用《國安法》去對付香港人，香港人就要喺一切嘅戰線，令到對方都要付出最大嘅政治代價，呢一個係今時今日香港人面對極權，各個戰線嘅意義」、「議會戰線最大嘅目的就係爭取一個破局嘅機會」，並表示會否決政府所有議案。

相關新聞：

初選案｜控方：將釐清共同串謀者規則下他人指證發言及達成串謀時間
初選案│梁晃維：難保證所有人不會背叛口頭承諾 故起草《墨落無悔》聲明
初選案│庭上播選舉論壇片段 多人明言要否決《財政預算案》攬炒

王百羽自稱「超區坦克車」，揚言「如果當呢啲垃圾嘅議員阻住我喺議會入面議事，甚至乎係做社會抗爭，我會用我自己嘅身位——超區坦克車，將呢啲噉樣阻住我哋議事嘅垃圾——立法會親中保皇議員，一個一個車出去議事堂。呢個係我對大家嘅承諾，肢體抗爭，堅實抗爭⋯⋯阻止惡法通過」。

涂謹申發言指參選立法會「我有坐監嘅準備」，認為「如果我哋有35+大把嘢可以玩，我哋全部（委員會）主席做晒，除非政府唔夠膽上來，我哋好多嘢可以質詢佢」。鄺俊宇則指出民主派議會過半可以堵截「大白象工程」，可以否決財政預算案，但當議案能惠及基層時卻得贊成。李予信認為「當極權要全方位滲透呢個社會嘅時候，我哋嘅戰場，就係要全方位去應對」。

法庭記者：陳子豪