麥玲玲爆老公耍「心計」撼贏其他追求者 曾言：你嫁阿邊個以後就住屋邨
麥玲玲近日熱爆網絡，因為她的年輕照突然翻Hit，尤其她的婚紗相更加成為焦點。除了因為她有日本少女氣質，激凸上圍亦令不少人羨慕！麥玲玲曾笑言這輯年輕照引起網民討論，有懷疑是老公何德在網上帶風向：「我問老公係唔係佢做，佢話無。唔緊要啦，大家開心就好！」提到老公何德，她近日接受一個內地的電台節目訪問，大方地提及自己的情史，原來當年何德全憑「攻心計」才成功「抱得玲玲歸」！
【點擊睇麥玲玲後生索爆相】：
麥玲玲稱當時老公何德因為就讀電子工程，全班只有兩位女同學，認識女性不多，所以經常叫麥玲玲介紹對象，「點知他冇一個成功。」其後麥玲玲身邊出現一位靚仔追求者，對方唯一缺點是家境清貧，麥玲玲因而向何德吐苦水後，何德竟出動「攻心計」：「有一日佢開車車我去嗰個男仔屋企樓下，係比較窮嘅屋邨，佢一副戥我唔抵嘅樣話，『如果你以後嫁俾阿邊個呢，以後你就要住呢啲屋邨啦，喺走廊炒菜、抱住個仔。」
麥玲玲聽後當堂被嚇窒：「嘩，我心入面即刻浮現《獅子山下》個畫面，心諗唔係咁慘呀嘛。佢話：『嗱如果你揀我呢，係唔同嘅，起碼我有層樓，又有架車，各樣嘢都幾好呀，咁你可以考慮吓我。』咁衰俾佢嚇一嚇，佢仲要補咗一兩句嘅，佢話『嫁一個男仔，你係嫁俾佢將來，娶一個女仔，你要娶佢現在。』」最終麥玲玲與何德交往一段時間後，感覺他「都Ok喎」便結婚。
不過麥玲玲笑指這只是故事的上半部分，下半部分是當年那位家境一般的靚仔追求者竟然「發咗達」：「證明我係一個好唔現實嘅女仔，當時我係冇睇到人哋係咪搵到錢，或者嫁個有錢人，我真係嗰一刻純粹鍾意，個男仔講嘢好溫柔、好慢。」其後麥玲玲再認真笑說：「其實個性格（靚仔追求者）係唔啱嘅，我揀何德（現任老公）係啱嘅，只不過後尾人哋發咗達啫！」
麥玲玲與何德結婚多年，感情穩定，只是沒有子女，她曾說：「我有諗過生，不過年輕嗰陣啱啱係事業衝刺期，專注工作，之後睇相又睇到好多父母子女出現衝突嘅個案，慢慢就冇再諗。」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
