做4年保安散工儲到100萬 網民：事在人為 儲$20833 x 48月｜Juicy叮

有網民在facebook討論區轉載圖片講述儲錢故事，指有人4年無當長工，做保安散工也儲到100萬元，引起網友熱烈估計對方如何積小成多變百萬富翁。

相片中見到本月11日做半年定期的銀行單，存款為1000000元，利率5.25厘，7月到期時的利息為26034.24大元。數口精的網民連隨計數，指「4年儲100萬，即一年25萬，一個月2萬」、「30日，佢星期六日做埋，一日搵八舊」、「如果凈儲100萬，每月唔食唔住要儲20833元x48月，咁炒散+保安應該要接近35000元先生活到」、「如果你話你住屋企食屋企，搵25000元一個儲20000元洗5000元，好好恆心儲4年，都好勉強講得通」。

有人續指「一年儲25萬，當佢係公屋仔好慳洗，一年要搵35萬先圍到皮，一係每日煙駁煙咁返兩份先至有咁嘅可能......但好肯定咁返法一定辛苦過做長工」、「返兩份保安，24小時賺錢」。

100萬元定存單及網民回應：

相中見到本月11日做半年定期的銀行單，存款為1000000元，利率5.25厘。網上截圖

 

網民指「事在人為」。網上截圖

 

網民表示「如果長期開足工，一個月儲兩萬係有可能，最緊要忍到手放棄所有享樂」。網上截圖

 

網民認為「做防疫保安是有可能」。網上截圖

 

錯重點的網友反問「定期有5.25里咁高？」。網上截圖

 

有網友仔細計算，「如果佢2000蚊真係一個月嘅都可以，佢儲嘅起碼係15000蚊以上一個月，4000蚊就係家用，當佢住公屋1500蚊租，水電煤全部夾埋700蚊，上網費300蚊，即係2500蚊，跟住行路返工，一日三餐1500蚊咁咪可以1個月儲15000蚊」。

再有網民估計其生活細節，「住屋企畀2000元家用包埋佢食，每月基本支出主要咪車費電話上網費呢d，加埋呢幾年疫情根本就無娛樂有咩出奇」，有人則提醒「炒散唔代表係兼職，分別只係工資計日薪，而家好興經中介公司請人，中介公司網絡大，真係可以日日有工開」、「都有可能嘅！同屋企人住，唔駛上繳，唔出街，唔拍拖」、「如果長期開足工，一個月儲兩萬係有可能，最緊要忍到手放棄所有享樂」。因此有網友認為「做防疫保安是有可能」、「好多嘢事在人為，看更好處係仲可以屋企附近做，車錢都慳返」。

另有網民卻帶諷刺語氣指，「仲要唔使食、唔使住、唔使搭車、唔使著衫添、4年無病無痛 ，「仲要唔使養老豆老母，過時過節唔使畀錢老豆老母，唔洗交稅，無供保險」。說著，有網民則自爆儲錢大計「我諗過㗎啦，去做夜更保安，朝早再做一份，夜晚再返大堂瞓覺，租都唔洗交。中午去公廁沖涼，朝早果份做飲食嘅，慳多兩餐」。

見到如此好景，網民紛「求介紹」，問「邊間公司咁好，我都轉行啦」。不過有人錯重點，反問「依家定期有5.25厘咁高？」。

帖文來源：香港單身狗關注組

同場加映：

隔離令撤銷｜普通科門診提供治療 中招診症安排一覽

為配合政府由1月30日起撤銷隔離令，醫管局轄下各醫療單位加強服務，支援確診病人。當中，所有普通科門診均提供治療，合適確診病人可獲處方新冠口服藥物，遙距診症服務則停止。當局特別照顧較高風險的確診病人，包括長者、5歲或以下小童、懷孕28周或以上孕婦，及免疫力受抑制病人，每日獲預留1000個診症名額。市民另可向18區中醫診所暨教研中心及可處方新冠口服藥的私家醫生求診。

醫管局加強服務繼續支援確診病人詳情：

確診人士求診途徑。fb「添馬台」圖片

 

醫管局轄下各醫療單位加強服務，支援確診病人。醫管局fb

 

確診病人可按其需要到18區中醫診所暨教研中心求診。醫管局fb

 

探訪安排。醫管局fb

 

收費安排。醫管局fb

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。