網民問身邊有冇私樓窮人？ 業主舉手自認：層樓只係住紙上富貴｜Juicy叮
無殼蝸牛與業主各有煩惱。有網民在討論區發帖問「你哋身邊有冇『私樓窮人』」？結果不少網民現身說法，講述業主的貧窮故事。
樓主先行解釋，「私樓窮人」——「講緊佢哋住緊私樓，但真係窮果隻，仔女讀普通學校，食平民嘢，冇乜去旅行，連補習都唔捨得使果隻，名牌又冇乜買，仔女同公屋仔冇分別，連零用錢都唔畀得多果隻」。
網民講述業主的貧窮故事：
回應的網民指，「我明你講乜，我就係依種人。住私樓，但係只有一層自住，雙親健在都退休無收入，食退休金，無買保險，好驚出大事，所以唔敢洗錢。打份牛工，人工唔高，雖然叫安安樂樂，但係好難儲錢，唔可能成日去旅行，無咩閒錢係投資，好難實現階級超越」。
另有和應的網友指「基本上係住緊大啲屋嘅窮人，叫做有層樓，但層樓只係攞嚟住」。其他回應的網民也自認「私樓窮人」，「我，屋企層私樓供完，其他人以為我屋企有錢，但其實唔係，同緊屋企人住，一樣係好慳家」；「我，住緊私樓但窮到燶，餐餐都要自己煮，仲要食cheap嘢」。有人則具體地指出，「食茶餐廳80蚊一個炒飯要諗過先」。
成副身家大部分都係層樓度
有網民坦言「得層樓，又冇乜收入，又唔賣得，生活冇改善過」；「好多呢啲，表面上風光，其實平時一出事就大鑊，政府醫院有排搞，私人醫院唔夠錢，覺得有層樓都夠，但其實生活冇改善過囉，間屋都唔係裝修好靚啦」；「供完樓後生活仲窮過住公屋完全唔出奇；成副身家大部分都係層樓度，紙上富貴」。
另有人指，「唔知樓主點define（定議）窮人，如果純粹以消費力去判斷，我諗大多數住緊舊區，e.g. 土瓜灣、灣仔、北角呢d嘅師奶阿叔都係『窮人』，姐係買餸仲要同個豬肉佬講價兼搭條蔥」。不過，有網民就「窮人」定提反對意見，指「住普通區嘅單橦私樓咪好多依啲人囉，樓又供完，又退埋休，現金流可能唔多，但都叫有幾百萬資產揸住啦，點都唔算叫做『窮人』啦嘛」。
住屋相關新聞：
•港媽獲派元州邨問題單位 因一事終決定放棄
•孝順女付首期冀買樓予父母養老 惟因後續發展呻蠢
•狗主冀帶愛犬租港島兩房單位 預算1.1萬列8要求
•菁田邨公屋戶一原因擬將單位出租 網民斥「離晒譜」倡舉報
有心水清的網民則提醒，「低物欲點同慳同窮，是3樣嘢嚟」，「窮係洗唔到錢，慳係唔想洗錢，低物欲係冇需要洗錢」。
還有網民引他人經歷指「我識一個人，佢講緊廿幾卅年前已經住緊依家值過億嘅豪宅。但係一樣成日腐乳撈飯，貪平坐叮叮由中西區去北角買餸。啲嘢放壞咗都會照食。窮人都無佢食得咁慳儉。到今日佢啲孫仔女都大晒，佢都係咁樣」。
帖文來源：連登討論區
同場加映：
隔離令撤銷後中招點算好？ 7大健康措施建議一帖睇
新冠確診者隔離令由1月30日起撤銷，市民以後一旦核酸檢測或快測陽性均無須呈報，也不用隔離，無病徵人士可自由外出或上班。
但患者應跟隨港府提出的健康措施建議，包括檢測陽性後首5天應時刻佩戴貼面的外科口罩或F94／KN95口罩，並盡量減少與其他人在沒佩戴口罩時接觸，如同桌用膳等。高危人士或出現明顯病徵者則應盡快求醫；檢測陽性學生不應回校上課；患者可憑註冊醫生或中醫師醫生紙請病假。
撤銷隔離令安排詳情：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
