独家丨陈敏之独资7位数搞护肤品生意 梦想全球开舖儿子继承

陈敏之继14年跟友人合资7位数开设饼店“BLESSCUIIT BAKERY”后，最近再独资7位数搞护肤品生意“Shagic”，她自认是贪靓鬼最爱狂买护肤来试，所以产品都以自己喜好出发，虽然暂时只设网站，但她期望两年后能够开到实体店，梦想在世界各地开舖，再由囝囝雷子乐继承。采访：杜杜 摄影：谭志光 形象:KARL HUI WorkHouse 发型:Eve Chiu化妆:Circle Cheung服装:BORA AKSU场地:Arcadia Restaurant & Bar

敏之最大梦想是成立的品牌，能够世界各地都开设分店。

去年10月，敏之举行记者会，宣布品牌推出及网店正式开业。

继成为歌手及演员后，创立品牌一直是敏之另一梦想，“今次意义仲大过上次（开饼店），因为系用我个名‘Shagic’，即系Sharon Magic嘅意思，亦都系我一个人独资去创立嘅品牌，做到真系好满足同埋无憾，谂返当日乜都冇，只得两部电脑，就喺度砌，好似砌积木咁，好有满足感！”

敏之对美容事业相当认真，早前一take过考获韩国认证师资课程证书。

最近敏之再跟好友黄翠如，一齐修读调香师课程。

被债主入禀上宝贵一课

虽然网店已在去年10月正式开业，但敏之认为距离成功还差很远，因她觉得有实体店才达标，“我想有舖头，想睇到我啲产品放喺度，但有排都未得，要出多好多产品，所以要慢慢嚟。”敏之打算畀自己两年时间，到时可以开到第一间舖，当然她还有更远大的梦想，希望全球都能开店，“可以发展到子乐大咗都仲喺度，咁个品牌承传畀佢，佢就帮妈咪继续搞，但系我觉得佢未必会帮我，哈哈！”

敏之梦想品牌由囝囝子乐继承，再发扬光大。

敏之今次再搞生意，老公雷伟信（William）继续扮演幕后军师。

上次搞饼店曾被债主入禀申请清盘，虽然最后能和解，但这次经验令敏之上了宝贵一课，今次再做老板会更加小心，“以前试过好多挫折，都系好大嘅人生课堂，其实唔关我事，系啲拍档嘅事，但都系因为沟通得唔好，整咗啲嘢出嚟我又唔知，自己要记住，沟通好紧要，就算𠵱家同员工或者厂商都要沟通清楚。”

14年，敏之跟朋友合资搞饼店，当时她经常到舖头打点。

敏之梦想成为歌手及演员外，就是成立个人品牌。

新网站 www.stheadline.com 已推出