独家丨黎耀祥确诊声沙睇好林敏骢拎视帝 老婆睇《轻‧功》太入戏晚晚睇到喊

黎耀祥在剧集《轻‧功》中饰演较真实年龄大的退休武师，要承受老伴离世的悲痛。58岁的祥哥唔忌讳，坦言似预演人生下半场，又指老婆梁耀莲（Julia）晚晚睇到喊，更跟他说：“畀你早走喇，因为将来得返你一个人会好惨。”戏里戏外都有几个货柜嘅洋葱。另外，提到即将举行的台庆颁奖礼，祥哥睇好林敏骢，赞他“估唔到咁有惊喜。”采访：方骞平

黎耀祥为人内向，老婆担心他年老丧偶会好孤独，所以批准佢行先。

黎耀祥满足现状。

《轻‧功》有唔少感人情节，得到年长及为人仔女嘅观众共鸣。

老婆Julia睇《轻‧功》太入戏晚晚睇到喊。

现身在内地工作的黎耀祥接受《头条日报》访问时唔止声沙沙，唞气声仲好大，原来日前确诊新冠肺炎，仲传染埋老婆，两公婆现正隔离休息中，祥哥报平安表示病况向好，冇发烧，只系喉咙发炎好痛，仲不停咳嗽，中招头两日开唔到声，一开返声即做访问，十分专业。

身在内地工作的祥哥确诊新冠肺炎，已停工休息中。

去年年中拍摄时正值疫情高峰期，祥哥要保持社交距离，步步为营。

预演人生下半场

黎耀祥𠵱家一年返TVB拍一套剧，继《杀手》、《拳王》后，他几钟意《轻‧功》呢类平实题材，会触动到观众：“我老婆睇见我喺剧中丧偶(龚慈恩)，晚晚喺度喊，感受到将来自己走咗，原来剩低个老伴系会咁样，佢会触景伤情，会睹物思人，呢啲情节好真实，拍摄时都觉得好似预演人生下半场，我睇返呢啲场口都会喊。”祥哥坦言两公婆都会倾到生死问题：“太太话我个人太被动冇乜朋友，担心我会好闷好孤独，佢反而识得照顾自己，揾到生活乐趣，所以愿意畀我早走。”不过，两公婆暂冇预先安排平安纸及长生位等，他语带轻松说：“呢啲到时先算啦，既然都走咗咯，一把火烧咗佢，掉咗佢咪算囉。”

剧中祥哥饰演一位较他真实年龄大的退休武师。

多年来冇拍古装剧嘅祥哥及龚慈恩，为《轻‧功》剧情着上古装。

新剧中祥哥跟“女儿”蒋祖曼成日顶嘴，两父女意见分歧。

剧中黎耀祥承受老伴离世悲痛，相当感人。

跟剧中仔女蒋祖曼、朱敏瀚好好感情，更为他庆生。

剧中黎耀祥失去老伴龚慈恩，情节好真实。

祥哥人到中年，现在一切随遇而安，抱住轻松自在、唔强求嘅心态最舒服：“我好感恩，历史上边有艺人去到40几岁先做男一？𠵱家去到50几岁，不论经济、演出、家庭上每个层面都合格，讲真咁多年即使做配角及主角，心态上都冇乜分别，我觉得自己要有自己嘅人生态度，演戏之余要有人生长远计划，现阶段唔系年轻搏杀时期，唔会系咁横冲直撞乜都做，反而会珍惜时间及工作量，希望做好唔同嘅工作。”

黎耀祥系三届视帝，人到中年有如此佳绩相当满足。

一家3口乐也融融，祥哥跟儿子冇距离感，两父子乜都倾。

黎耀祥希望做更多唔同类型的工作，拍《拳王》是其中一个新尝试。

祥哥目前心态随遇而安，留家煮饭都咁开心。

黎耀祥跟老婆Julia有影皆双，恩爱到爆。

平日留家凑吓爱犬都开心。

祥哥人到中年，现在一切随遇而安。

冇信心四夺视帝

提到《轻‧功》得到年长及为人仔女嘅观众共鸣，作为三届“视帝”的黎耀祥可有期望再夺殊荣？他表示睇好《下流上车族》的“车总”林敏骢，“呢啲咁平实嘅题材唔啱争夺视帝，老实讲，每位对手做咗咁多年戏，个个都演得好好，问题系演到乜角色，林敏骢个角色咁有惊喜，观众喜出望外，系夺奖因素，加上林敏骢平日咁‘无厘头’，估唔到佢拍认真戏，拿揑得咁好，令人感动，呢部份值得加分。 另外角色做得好同时，话题设定都要好，《下流》讲房屋问题，大家会有共鸣，所以一定睇重佢。至于视后十强表现比较平均，如果讲功力鲍姐(鲍起静)、江仪仪冇得输，而新一代演员有佢哋近一代嘅演出方法。”

祥哥大赞林敏骢于《下流上车族》有惊喜，拍认真戏拿揑得好好。

祥哥眼的鲍姐及江美仪演技一流。

《星岛头条》APP经已推出最新版本，请立即更新，浏览更精彩内容：http://www.stheadline.com/