顧嘉煇逝世丨黃淑儀與煇哥溫哥華每周茶敘 分享退休生活不談音樂

黃淑儀因在加拿大溫哥華而與顧嘉煇稔熟，因為大家都是溫哥華藝術家聯會的會員，所以每逢星期三都會茶敍。黃淑儀接受《星島頭條》訪問表示：「因為他和顧媚姐是畫家，我鍾意影相，所以我才有幸加入，然後每年都一起舉行展覽。我同佢咁啱住隔籬街，所以開party一定預埋佢。我做戲，佢搞音樂，反而結緣喺外國。」

【相關閱讀】：顧嘉煇逝世丨低調太太被黃霑追問求婚勁怕醜 老公旁邊食花生經典畫面出土

【點擊睇黃淑儀相】：

黃淑儀印象中煇哥好隨和，成日笑笑口。

黃淑儀與麥振鴻（後中）好熟。

黃淑儀（右）被顧媚指介紹契仔麥振鴻（左）給煇哥。

麥振鴻在網上留言悼念顧嘉煇。

麥振鴻不時在港相約顧嘉煇飲下午茶。

麥振鴻教顧嘉煇用電腦整音樂。

電影配樂麥振鴻認識煇哥，原來是由黃淑儀介紹，她表示：「後來大家喺香港，疫情前有一位做電影配樂麥振鴻好崇拜煇哥，因為不同年代，就要我做介紹人，兩個人從此好好。咁啱又住北角，麥仔成日車煇哥去逛音樂舖，飲下午茶，又教佢用電腦整音樂，顧媚仲話我介紹咗個契仔俾煇哥。印象中煇哥好隨和，成日笑笑口，我地見面唔傾音樂，全部係食飯生活上嘅嘢。」

麥振鴻在微博貼出與煇哥合照悼念：「RIP 致敬我親愛的偉人顧老師，祝願你在那方繼續逍遙快活！我會永遠永遠懷念你！晚輩麥振鴻敬挽！」