【黃庭桄專欄】點到你唔驚？

朋友L經營一個講鬼故的網上頻道，定期邀請不同界別的人，到小型錄影室拍攝短片，分享親身遇到的靈異故事。
　　
有一晚錄影完畢，某嘉賓問他：「你成日拍咁多鬼故事，你怕唔怕會容易撞到污糟嘢呢？」
　　
朋友L信心滿滿說：「嘿！我完全唔驚喎！」
　　
在他送別嘉賓到電梯口，準備返回錄影室，就在那一段走廊，忽然有把女人的聲音在耳邊響起：「你真係唔驚？」
　　
他回頭視察，前前後後幾十呎，人影都沒一個，嚇得他心都寒埋，此時耳邊的女聲再說：「不如我今晚嚟搵你吖？」
　　
幸好他有宗教基礎，馬上唸起心咒，那把女聲便沒有再出現了。他知道，肯定是自己講錯說話，招惹到靈體，跟他開個玩笑。
　　
還有我的同事A，早前參加一個海上誦經法會，超度自己的冤親債主。臨開船前，同行友人好心遞上暈浪丸，她氣定神閒拒絕：「我一向都唔怕暈船浪喎！」
　　
誰知法會舉行到一半，她已經又暈又嘔，面青口唇白。
　　
「係自己攞嚟衰，得罪船上的冤親，所以搞到我嘔到七彩。」見過鬼怕黑，同事A從此不敢胡言亂語。
　　
雖說人怕鬼三分，鬼怕人七分，畢竟人鬼殊途，各自存活在不同次元的空間，偶爾可能在某時某地擦身而過，但不會無緣無故出現交集，除非是宿世的冤親債主，才會追到天腳底找你尋仇。但上述兩個個案，都是衰多口招惹靈體所致。我們不過是宇宙裏的一粒塵，應當常存尊重敬鬼神。