獨家丨金永衡獲富貴家人支持追夢都要做PT 《聲夢2》輸咗仍要做宣傳如鞭屍

剛剛30歲的《聲夢傳奇2》學員金永衡（金仔）參賽中途被foul，一度惹嚟網民爭論，但總算得到一張進入TVB的「入場券」，簽約成為旗下藝人，上月更有機會於麥花臣球場為《聲夢2 Prom Night》演出兩場。金仔暫時未有具體工作，趁住呢段真空期努力練歌，為做歌手做好準備，打算投資5年時間嚟追夢。採訪：方騫平 攝影：朱偉彥 髮型：Perry Yung@il colpo group

金仔有家底，可以支持他追夢！

 

金仔跟《聲夢2》學員Zayden老友鬼鬼，互相支持。

 

金仔有條件行喜劇路線。

 

金永衡好鍾意唱歌，不諱言當日參賽都係想奪冠，利用舞台盡展歌喉畀多啲人認識，可惜事與願違，回想返當日被foul時真係失落：「我仲以為自己對輸贏可以睇得好化，點知被foul翌日突然空虛到爆喊，最慘賽後仲要返去做《聲夢2》宣傳，有被鞭屍感覺，好殘忍。」

金仔當日參加《聲夢2》，最想大家從音樂中認識他。

 

23位《聲夢2》學員唱得都唔錯。

 

當日林二汶是他導師，金仔話獲益良多。

 

參賽期間玩得好開心。

 

上月更有機會於麥花臣球場為《聲夢2 Prom Night》演出兩場。

 

「比利打怪獸」分道揚鑣

目前金仔努力增值自己，積極學唱歌同時，陳奐仁也會為他寫首輕快抒情歌：「我最想走方大同嘅另類音樂路線，低調得嚟做到自己嘅嘢，大家從音樂中認識歌者。」提到他跟Billie合組「比利打怪獸」到處busking及做駐場演出兩年，𠵱家分開發展真係好可惜，坦言Billie也有點不開心，但對方無意做幕前。

組合「比利打怪獸」都有啲鐵粉。

 

金仔喜歡方大同及陳奕迅擁有獨特風格。

 

「比利打怪獸」之前到處busking。

 

另外，金永衡是中韓混血，寓所豪華得如高級豪宅的示範單位一樣，家底睇嚟相當不錯。他承認家人支持他追夢，原則上兩老唔介意他做任何工作，最重要可以照顧到自己，而哥哥更力撐他，指導他擺Pose影相：「不過，我啲積蓄都所剩無幾，稍後會搵啲兼職幫補吓，我又冇藝人光環做乜PT都得。」他會用5年限期，睇吓有冇機會發圍。

獲哥哥力撐，指導他擺Pose影相。

 

金永衡屋企幾靚，家底唔錯。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。