獨家丨193清晨6點去自家首個Pop Up Store打卡 零眼腫椅上提字「3仔到此一遊」

男團ERROR近排忙拍劇，又積極籌備本月中舉行的演唱會，一向瓣數多多的193（郭嘉駿）亦然可以唧到時間出嚟搞自己品牌。

今個聖誕節，193主理的品牌LILABOC聯乘尖沙咀某商場，首度開設Pop Up Store 。日前，193 在社交網貼出多張照片作宣傳，其中一張合照，他以Emoji 遮了友人的樣貌，並大賣關子：「今年請到神級嘉賓大駕光臨」不少網民都留言表示覺得被遮樣的是鄭裕玲（Do姐)：「呢個企姿咁似Do 姐」、「我都估係Do 姐」等等。

193日前清晨現身尖沙咀商場，可能為免人多擠迫，兼引起混亂，所以選擇6點到Pop Up Store打卡，雖然神咁早，但193都好精神，無話眼腫面腫，見他在椅子上簽名，又寫上「3仔到此一遊」、「自肥可恥」等字句，相當搞笑，又攬著火柴人「3仔」合照，表情多多，非常鬼馬。

 

 

 

 

 

 

 

 

 

 

 

 

 

 

Do 姐在社交網貼出照片，公開自己便是那位神秘嘉賓，並力撐193：「早排收到 @deniskwok193  嘅電話，得知佢個人品牌 @lilaboc.co 會舉行首個大型展覽，見佢咁比心機，一於嚟支持下。嚟到現場見到咁靚嘅場景，就真係知佢個品牌咩料，真係替佢高興，繼續加油！」

 

 

 

 

 

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。