Juicy叮|港女呻未感受過家人關懷 發錢寒媽嫌男友窮籲止蝕離場

天下無不是之父母?一名港女在網上發文,大呻與家人的關係一直疏離,「完全係放養式咁養大我」,亦不曾與他們身上感受到關懷或愛,並指其「發錢寒」母親近日嫌棄正在供私樓的男友貧窮,「因為層樓唔係full pay」,不但呼籲女兒「止蝕離場」,更向樓主的朋友「數臭」樓主及其男友。

該名港女近日在連登討論區以「長文慎入,有個發錢寒嘅老母真係好x慘」為題發文,提到自己與父母及哥哥一同在公屋居住,父親在地盤工作,母親為家庭主婦。她提到,從小開始已經與家人關係疏離,並指「由細到大都無咩資源畀過我,完全係放養式咁養大我」,既沒有零用錢,亦沒有興趣班或補習等。樓主續指,「金錢上嘅資源無畀,連精神上嘅支持都無畀過」,母親只會一直將她與其他人比較,「小學中學默書考試考到95分,就問點解無100分;考到第二名,就會問點解唔係第一名」。她續指,一直希望可以搬出去生活,「我從來無喺佢哋身上感受到正常人嘅關懷同愛,本身平時喺屋企大家都無兩句」。

請點擊組圖瀏覽:

相關帖文隨後引起熱議,並有不少人同情樓主的遭遇。網頁截圖
相關帖文隨後引起熱議,並有不少人同情樓主的遭遇。網頁截圖

 

不少網民勸喻樓主搬走。網頁截圖
不少網民勸喻樓主搬走。網頁截圖

 

有人指,「早日止蝕,快啲搬走」。網頁截圖
有人指,「早日止蝕,快啲搬走」。網頁截圖

 

網民勸喻樓主搬走。網頁截圖
網民勸喻樓主搬走。網頁截圖

 

有人直言,「可以試下反面搬走再唔理佢哋一段時間,如果無改善就只有老死不相往來呢個方法」。網頁截圖
有人直言,「可以試下反面搬走再唔理佢哋一段時間,如果無改善就只有老死不相往來呢個方法」。網頁截圖

 

她提到,自己對感情事一概不提,因此不希望給家人批評,但近日不慎透露自己正在拍拖,而母親「第一樣關心嘅就係對方有無樓」,並指「我男朋友托賴有層私樓供緊,去到呢度佢嘅態度都幾正面嘅(因為人地有樓)」,又提出與樓主的男友用餐見面。然而,樓主卻指在家人與男友見面當日,「成程氣氛尷尬到我都唔想再回想起」,並指母親「審犯咁問人返咩工、之前返過咩工、層樓月供幾錢 etc.,然後又黑口黑面咁」,「最後知道佢嫌人無錢,因為層樓唔係full pay,我返屋企食飯又畀說話我聽」。樓主指,母親當日在回家後,「講埋啲唔知乜水個仔喺邊度有層full pay嘅樓,問我做咩唔揀」,「全程都只係識講人哋有幾多層樓有幾多錢,無提過人哋性格學歷興趣(因為佢都唔知),佢唔在乎個人適唔適合我,我會唔會鍾意,只在乎佢個『未來女婿』有幾多層樓」,並指「最好笑係佢叫我唔好再錯落去 要止蝕離場 (講緊同我男朋友一齊)」。

樓主指,與男友的家人用餐時氣氛甚好,會談論日常生活及未來等,因此認為男友與自己的家人用餐是委屈了他。樓主續指,母親「仲癲到私底下走去搵我朋友講,我男朋友無錢層樓要供,又幻想我幫人供樓,順便數臭我無良心無禮貌唔交家用之類啦」,並指母親直言她日後與男友結婚時,不會得到兩老的祝福,樓主則指,「佢嘅唔出現,就係對我最大嘅祝福」。她隨後再補充指,已經搬離家中並與男友同居,「終於有放工想快啲返屋企嘅感覺」,但指「我老母依家就好似小朋友畀人搶玩具咁,叫我止蝕離場,離開我男朋友,仲話要報警捉我返嚟」。

相關帖文隨後引起熱議,並有不少人同情樓主的遭遇,又指「你真係要止蝕,搬出去個隻,唔好再理佢哋兩個」、「早日斷絕關係」、「樓主老母大癲」、「勸樓主早日離開老母,早走早着」、「可以試下反面搬走再唔理佢哋一段時間,如果無改善就只有老死不相往來呢個方法」、「認真,同屋企人維持良好關係嘅方法就係見少啲,距離遠啲」等。

帖文來源:連登討論區

 

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

英國國會批阻移英港人提取強積金 滙豐:遵守法律和監管機構指示

給十九歲的我|兒童權利委員會:兒童參與圖像形式紀錄 必需謹慎處理

給十九歲的我|搭路助張婉婷訪李慧詩 監製公開「關鍵中間人」身份

生育率低議員倡完善稅務優惠 孫玉菡:積極鼓勵但不宜過份干預

都市網新聞