世界盃2022｜專欄:高麗參補唔掂南韓

今屆世界盃另一個不同之處係賽程密，主要在分組賽完成後無停戰，呢個安排對某組別的球隊會特別不利。簡單講以往任何一隊晉級，都應該會有三日去休息調整，而家呢？只得兩日！英超都會將歐聯參戰隊安排在星期六踢，起碼球隊在周三出戰歐聯後，會有三日休息，可想而知多一日休息的重要程度。兩日同三日之別並唔係一日，係50%！

G、H組從來因為蝕賽程，球員在體力上蝕底，所以巴西、葡萄牙兩隊在首兩戰鎖定晉級後，第三戰都出後備，首重是要爭奪最後榮譽；相反，小組賽要搏到第三場的就得番半條人命。南韓身處的H組可能是最要考驗體能的一組，在最後兩戰對加納和葡萄牙都要奮戰到最後一秒，今場對著以逸待勞嘅巴西，真係食幾斤人參都補你唔到，呢鑊真係「耶穌都保你唔到」呀!

至於推介方面，巴西會讓到好深，如果求賠率的話就只能博兩隊半場和，全場巴西勝的「半全場」和主。 -馬高

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。