Juicy叮|樹仁仔失業半年轉做清潔輕鬆袋14K 怕太留戀「舒適區」

疫情下香港人浮於事,有失業半年的樹仁畢業生早前在網上討論區自爆工作經歷,指「畢業後廢咗幾年畀老母捉咗去做清潔」,發現「一個月返21日工,一個月都有14K左右,但係每日實做都只係6個鐘左右」,擔心太留戀這個「舒適區」而一直做下去。有回應的網民鼓勵樓主行行出狀元,「學夠滿師咪自己創業囉」。

網民回應請點擊組圖瀏覽:

有失業半年的樹仁畢業生在網上討論區自爆工作經歷。資料圖片
有失業半年的樹仁畢業生在網上討論區自爆工作經歷。資料圖片

 

網民指清潔「做私樓豪宅仲好搵呀」。網上截圖
網民指清潔「做私樓豪宅仲好搵呀」。網上截圖

 

網民鼓勵樓主「只要你肯做,一定大把job」。網上截圖
網民鼓勵樓主「只要你肯做,一定大把job」。網上截圖

 

有網民指「正職一份糧,跟住大廈入面d舖有時又會搵你清潔又有錢,跟手如果有d可回收嘅嘢執埋拎去賣又有下欄錢」。網上截圖
有網民指「正職一份糧,跟住大廈入面d舖有時又會搵你清潔又有錢,跟手如果有d可回收嘅嘢執埋拎去賣又有下欄錢」。網上截圖

 

有網民指「你去過馬己仙峽道,聶高信山啲豪宅垃圾房就知啲有錢人好離地」。網上截圖
有網民指「你去過馬己仙峽道,聶高信山啲豪宅垃圾房就知啲有錢人好離地」。網上截圖

 

有網友慨嘆「話晒都大學畢業,讀書叫有用個腦,但出嚟做嘢用手腳加時間換錢,真係好浪費」。網上截圖
有網友慨嘆「話晒都大學畢業,讀書叫有用個腦,但出嚟做嘢用手腳加時間換錢,真係好浪費」。網上截圖

 

有網民認為「離唔離開comfort zone靠自己」。網上截圖
有網民認為「離唔離開comfort zone靠自己」。網上截圖

 

帖文以「樹仁畢業後廢咗幾年 畀老母捉咗去做清潔」為題,樓主表示,畢業後遇上疫情爆發,「輾轉就去咗做餐飲。半年前間小店做唔落去就關門大吉,跟住小弟一直失業至今。直到上星期,老母頂我唔順,話唔再養我,而家畀兩條路我行,一係就跟佢去做清潔,一係就踢我出門口。

如是者,我就跟咗佢做清潔。做咗一星期,我發現做清潔仲輕鬆同埋好搵過餐飲。好多時上午做兩、三個鐘就收$400;下午去另一個地方做又收$300,平均一日都收$700。咁我一個月返21日工,一個月都有14K左右,但係每日實做都只係6個鐘左右」,並指「好驚自己會一直做落去,唔想離開呢個comfort zone(舒適區)」。

學夠滿師自己創業

回應的網民指「有經驗可以轉做科文,仲可以入啲清潔公司做,同埋其實做得耐可以考慮開公司」、「做正行,正當工作,清潔又好,滅蟲都好,咪又係打工,學夠滿師咪自己創業囉,行行出狀元呀!」

另有網友指「我有同學都係做清潔+滅蟲,做咗5年自己開公司,包咗好多商廈清潔嚟做,啱啱買埋樓,諗起以前仲有份笑佢」、「樓主其實唔走都唔使擔心,呢行無後生做,只要你肯做,啲人見你又後生,一定大把job」,而且,「離唔離開comfort zone靠自己。利申:樹仁畢業,做過餐飲,做緊投行」。

不過,亦有網民慨嘆「話晒都大學畢業,讀書叫有用個腦,但出嚟做嘢用手腳加時間換錢,真係好浪費」。

說起清潔這行,有網友指其實搵到錢,「聽清潔姐姐講疫情前寫字樓清潔仲好搵,一日實做4粒鍾都有2皮幾,好多師奶去做」、「正職一份糧,跟住大廈入面d舖有時又會搵你清潔又有錢,跟手如果有d可回收嘅嘢執埋拎去賣又有下欄錢」。

另有人指,「做私樓豪宅仲好搵呀,班有錢人成日都掟d好嘢出嚟,有人試過執到surface laptop同幾千蚊外幣,仲有咩chanel袋,仲要有嘢包住」、「你去過馬己仙峽道,聶高信山啲豪宅垃圾房就知啲有錢人好離地,卡地亞手錶prada手袋都可以掉出嚟,聽過個保安講個女戶主被男人飛,嬲到將啲男朋友送嘅禮物掉走」。

帖文來源:連登討論區

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

佛都有火|深水埗佛學堂遭撬門爆竊 女善信裝香發現報案

Kelly Online︱渣馬周日開跑 陸瀚民、鄭泳舜勤操練作最後備戰

2022年本港空氣質素近十年最好 環保署 : 疫情有助改善空氣質素

西九法院玻璃疑遭擊中爆裂 林定國強烈譴責:不容暴力威脅司法人員

都市網新聞