世界盃2022｜專欄:英格蘭平穩中進步

八支歐洲隊晉級，有六支集中在十六強的下線，而歐洲四大熱門法、英、西、葡全部都在下線，圍毆兩隊非洲隊塞內加爾同埋摩洛哥。對於歐洲任何一隊，絕對唔會易踢。

由上屆世界盃四強，英格蘭在歐國盃僅敗於意大利，成績穩步上揚。對於英迷來說，當然會不滿意修夫基，硬係覺得英軍「唔止咁少料」，但陣中又有幾多個係最頂級球會的重心？唔緊要，英格蘭就係相對上缺點最不明顯的一隊，身材、速率、默契各項都名列前茅，妥妥的「六邊形」球隊。教練修夫基吸收到教訓，今屆主要以較積極的四三三陣式為主，進攻順暢咗；在輪換方面，不但引入新星祖迪比寧咸，加強了活力同後上穿插，每場換人數量都多咗，要做嘅都做咗了，最後分組賽一戰更能收起主力休息。

今仗若果英格蘭能早領先，非洲冠軍塞內加爾就好大機會散了。推英格蘭贏就無乜意思，但3:1波膽有十三倍，同場過關的英半場勝1:0&全場勝3:1有50倍。  - 馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。