世界盃2022｜專欄:球證漸變成擺設

世界盃開始至今，不乏爭議場面，出唔出界、是否十二碼、有無越位，有無犯規、補幾多分鐘時，每每都成為賽後焦點。而以上種種爭議，離不開裁判，而我都慣叫做球證。其實，今屆最大感受係覺得球場上已不需要球證。

出界、十二碼、越位呢幾件事上面，喺球場上球證都唔夠VAR或電視上覆核來得準確，完全唔知球證在球場上尚有乜價值？判決快得來唔準，留在場上只不過成為球員欺騙和投訴的對象，咁只會增加比賽停頓，窒礙比賽流暢度，完全違反保障球賽可觀性、公平性、流暢度的原則。若果無球證在場，影帝演畀邊個睇？成日投訴的球員又向邊個投訴先？專心踢波，成件事仲好啦。

今晚十六強賽事，澳洲之前對技術型法國就無能為力，對住「亞軍廷」都係無得搞，所以入球大好正路。「同場過關」更過癮，「美斯首球&總入球多於3.5球」，又或者「阿根廷半場2:0全場4:1」都係唔錯選項。 - 馬高

同場過關-美斯首球&總入球多於3.5球夠過癮。Reuters

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。