獨家丨林躍翰壓力大常發台瘟冇信心奪獎 《就是青春》大熱門唔介意被稱參賽KOL

22歲林躍翰(John)繼參加ViuTV《全民造星》及《全民造星III》後,最近再入圍HOY TV的《就是青春》,對於被外界封為「專職參賽者」,John就解釋跟前公司約滿後,一直未搵到新公司,覺得今次是機會就一試。對於被視為大熱,John未有太大信心奪獎,只想繼續朝組男團夢想進發,更希望有機會推出個人作品。採訪:杜杜 攝影:譚志光

John不介意被封「專職參賽者」,不想將來後悔,有機會就要試。
John不介意被封「專職參賽者」,不想將來後悔,有機會就要試。

 

John抱着自己是白紙的心態參賽,希望學習更多東西。
John抱着自己是白紙的心態參賽,希望學習更多東西。

 

連番參加選秀節目,John被外界封為「專職參賽者」,他就解釋再參賽因《造星III》後不久便跟前公司滿約,再遇上疫情一直冇演出機會,向其他公司叩門亦苦無消息,「有靠朋友去睇吓有冇機會去casting,但我喺《造星》算係隱形人,唔係好多嘢講,好多高討論度嘅參賽者相對易casting到公司。」直到年初朋友提議他參加《就是青春》,思前想後最終決定一試,「同自己講試咗先算,係好好機會令自己學嘢或者成長。」

John在《造星III》時,討論度不算很高。
John在《造星III》時,討論度不算很高。

 

John參加《造星III》令人最深刻是被指跟胡鴻鈞撞樣,對方更找他合作拍cover片。
John參加《造星III》令人最深刻是被指跟胡鴻鈞撞樣,對方更找他合作拍cover片。

 

朝組男團夢想進發

相對於一班素人參加者,John甫參賽即被封為大熱,他坦承會開心,但亦增加了一定壓力,「之前有啲觀眾會認識我,一定會對我expectation會高咗,我就希望自己做得更加好,唔想辜負佢哋嘅期望,但我又唔會真係覺得自己係大熱,我都希望用實力去成為大熱,但係經過呢幾round,自己都仲未係超級成熟嘅表演者,我之前都有唔少嘅表演經歷,但係上到舞台都仲會好緊張,發台瘟到甚至唔記得歌詞,希望嚟緊會調整好啲心理質素。」

John與洪韻騏(Wincy),被視為《就是青春》的大熱參賽者。
John與洪韻騏(Wincy),被視為《就是青春》的大熱參賽者。

 

John因對自己要求高,壓力大增,比賽期間不時發台瘟。
John因對自己要求高,壓力大增,比賽期間不時發台瘟。

 

John參加兩次《造星》都講到明想組男團,現在這個目標依然不變,「男團同Solo歌手係兩個唔同嘅感覺,畀我揀都係想做男團多啲,團體火花會有趣啲,同埋就算做咗團都可以出Solo,但你Solo嘅時候唔會突然搵幾個人一齊做團嘛!」看到以往戰友的發展,他坦言好羡慕,「見到朋友都有自己作品及舞台,更加渴望有自己嘅歌。」

John與《造星III》的泰倫斯(Terence)(左二)、鍾諾言(NY)(右二)及謝嘉浩(Mark)(右一),曾簽公司打算以男團身份出道。
John與《造星III》的泰倫斯(Terence)(左二)、鍾諾言(NY)(右二)及謝嘉浩(Mark)(右一),曾簽公司打算以男團身份出道。

 

John最希望能夠擁有自己的作品,成為真正的表演者。
John最希望能夠擁有自己的作品,成為真正的表演者。

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

自然系女子旅行|暉哥與台灣女神浸浴畫面香艷 互望對方胸部勁尷尬

唐寧移居紐西蘭學種菜自給自足 菜葉大過塊面暴風雨前夕有啖好食

梁朝偉親認全靠3招克服社交恐懼症 激罕派心心送電眼冧暈粉絲

城城 Sammi Kelly拍宣傳片邀旅客重臨香港 分享「野生捕獲」自己小貼士

都市網新聞