獨家丨岑珈其期待同囝囝去張保仔洞探險 聲演《奇異大世界》圓三代同堂歷險夢

岑珈其最近為動畫電影《奇異大世界》聲演孫仔「艾文」(Ethan),第三度為動畫電影配音的他,開心為囝囝臻臻儲多套作品。而今次聲演機會跟《緣路山旮旯》導演黃浩然有關外,仲要多得自己有把好有特色的沙沙哋聲音。講到戲中跟爺爺和爸爸一齊歷險,亦完成珈其現實中永遠無法完成的心願,未來他希望等囝囝長大,一齊去張保仔洞探險。採訪杜 髮型:Nick 化妝: Carmen 場地:香港喜來登酒店

珈其開心再有配音機會,將來囝囝又有多套戲睇啦!
珈其開心再有配音機會,將來囝囝又有多套戲睇啦!

 

珈其瘋狂想為動畫配音,完全為了囝囝臻臻,「想等阿仔大多少少,佢識睇動畫時,我出去做嘢就係咁播畀佢睇,咁就開心啦我又冇可能唔做嘢,如果有時出去做嘢陪唔到佢時,最好陪伴就係我配嗰啲卡通片啦!」

 

電影《奇異大世界》講三代同堂去歷險,去到一個奇幻角度。
電影《奇異大世界》講三代同堂去歷險,去到一個奇幻角度。

 

 

 

珈其覺得跟「艾文」最相似,就是對世界都是充滿好奇。
珈其覺得跟「艾文」最相似,就是對世界都是充滿好奇。

 

感激黃浩然導演介紹

之前兩次配音,珈其都是配角身份,今次有聲演主角機會,他首先要多謝導演黃浩然,「我同佢嘅緣份係《緣路山旯旮》,我哋經歷謝票,成日對住佢,有次講開我話好想幫動畫配多啲畀阿仔聽,呢次工作機會係佢介紹我,佢話『識得個朋友嚟緊籌備緊套動畫,搵緊配音員,你想唔想去casting』,於是我去咗cast。」

講到不停有配音機會,原來同珈其一把有特色的沙沙哋聲音有關,「我開頭直情好奇,竟然搵我配音,唔介意我把聲唔好聽喎!今次好感謝製作單位,佢哋話黑人小朋友其實係有啲啲沙沙哋,佢哋搵配音員時都搵咗好耐,覺得我把聲有啲獨特,佢哋好鍾意就搵我合作。」

珈其獲聲演孫仔「艾文」機會,原來靠一把沙沙哋的聲。
珈其獲聲演孫仔「艾文」機會,原來靠一把沙沙哋的聲。

 

遺憾爺爺公公早離世

電影講三代同堂一齊歷險,珈其認為這次聲演機會令他圓夢,原來他未出世爺爺已離開人世,所以他永遠沒法感受三代人一齊經歷的感受,「我阿爸嗰邊爺爺嫲嫲都好早走咗,公公都走咗得返婆婆,今次配音都算係經歷過。」幸好他同爸爸有去過旅行,更是人生第一次搭飛機令他很難忘,「嗰時我讀緊小學,咁啱台灣雙十節好平,爸爸媽媽都係第一次搭飛機去旅行,佢哋驚搞唔掂咁多小朋友,於是將啲阿哥家姐留晒喺香港,好記得印象係好開心,阿哥家姐投訴下次就全家一齊去,呢個係同爸爸去旅行嘅回憶,最後一次我同爸爸去旅行就係去韓國,好可惜之後爸爸走咗冇得再去。」

珈其慶幸跟岑爸爸都有一齊去過旅行,留下不少美好回憶。
珈其慶幸跟岑爸爸都有一齊去過旅行,留下不少美好回憶。

 

現在為了跟囝囝和岑媽媽留下更多珍貴回憶,珈其會經常帶着他們周圍去,「我經歷咗爸爸走咗就會明,人真係好化學,可以話走就走,啲人成日話下次,可能下次就冇,會好珍惜,你以為可以陪佢耐啲咩?但人生嘅嘢話冇就冇。」他更期待等臻臻長大時,兩父子一齊去歷險,「如果同佢一齊露營、行山,應該會好開心,就算近近哋同佢去長洲張保仔洞都好,呢個係好好嘅體驗,我細個去張保仔洞真係有探險感覺,行唔行到㗎?會唔會冇盡頭㗎?都幾刺激㗎!」

珈其早前去馬來西亞工作,亦有帶埋媽咪、太太個囝囝。
珈其早前去馬來西亞工作,亦有帶埋媽咪、太太個囝囝。

 

 

 

 

 

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

舊愛被爆戀龔嘉欣 蔣家旻孖中佬溫馨睇傢俬示威

香港電影金像獎丨闊別四年終回歸文化中心舉行 網上直播提名名單

香港電影金像獎丨《正義迴廊》入圍16項成提名王 蘇玉華首爭影后 男配林海峰有信心落選

人肉搜尋2丨阿媽同新男友去旅行玩到失蹤 阿囡靠社交平台尋母勁過FBI

都市網新聞