世界盃2022｜專欄：偽強紅魔 苟且偷安

日本、沙特奇迹勝利振奮人心，但伊朗輕取威爾斯反而更能反映實際水準，可以畀球迷更準確量度日、韓、伊、沙亞洲四強的水平。因為歐洲國家聯賽將各國分做四級，呢個賽制係好準嘅指標，威爾斯就係妥妥的歐洲二綫，那麼亞洲四強的水平就應該在歐洲一綫、二綫之間。

今屆另一驚喜，係非洲球隊嘅防守紀律非常好。北非四支球隊近年憑較佳紀律，成績異常穩定。其中摩洛哥已累積不俗底蘊，守門員耶辛尼保奴，後防阿古特搭路曼沙斯同防中光頭佬蘇夫恩岩拉伯特亦係如日方中；尤其岩拉伯特，中場統治力絕對具一綫水平，惟進攻仍然有欠仔細。

比利時是典型偽強隊，唔係無新人，但教練仍重用所謂黃金一代的「老海鮮」如夏薩特等，就往往搞到滿身腥臭。戰術格局上，比利時會有點着數，因預計會被摩洛哥壓制而主打反擊，只望打和，苟且偷安，推介下盤但嫌低水，「同場過關」有摩洛哥勝或和&總入球多於2.5球，可以玩下。馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。