Juicy叮|同事搭單叫外賣慣性走數 打工仔斥「連食飯錢都呃好肉酸」

數目分明可以避免發生紛爭。有打工仔在網上發文,指近日發現一名同事「差落好多飯錢唔還」,當其他人向該同事追討款項時,對方則會表示「冇撳錢冇錢喺身」。樓主形容是一場「騙局」,並直言「咁大個人連食飯錢都要呃真係好肉酸」。

該名打工仔日前在香港討論區以「同事成日話遲啲畀返錢,根本就係一場騙局」為題發文,指近日較多叫外賣,「可以快啲食完快啲瞓」,但發現一名同事「差落好多飯錢唔還」。樓主指,「有時用App叫外賣,佢會等有其他同事認頭落單先出聲講自己食咩,一係落街買外賣佢會搭單買話返到公司畀返錢」,但指由一星期前開始,「我都冇收過佢有畀返錢我」。

樓主續指,對方每次的點餐費用亦不便宜,平均為70多元,在詢問其他同事後,才發現對方一向如此,「問佢拎返錢會話自己冇撳錢冇錢喺身,聽日一定還」。樓主隨後直接要求對方透過電子支付歸還款項,但指「點知佢send咗request link畀我唔係畀錢我,差啲畀佢呃到」,並直言「如果真係手頭緊咪直接講,咁大個人連食飯錢都要呃真係好肉酸」。

相關帖文隨即引起熱議,不少網民直言「直接追啦」、「追錢係難」、「幾十蚊咪當豪畀佢囉,下次叫外賣就唔好再預佢,費時煩」、「以後都唔會再同佢夾」、「同佢叫埋冇問題,上到嚟嗰啲飯要佢畀咗錢先可以攞得嚟食,正所謂一手交錢一手交貨」等。另有人則分享指,「我哋以前一班同事一齊出去book場踢波好,唱K好,隊酒隊都啤啤夫都好,第二日都會出一張電郵畀晒所有要夾錢嘅人,列晒邊個埋單邊個畀咗邊個未畀咁。一時手緊拖數亦可,帶落下個禮拜個表囉,一目了然。拖得多就自己核突。」

帖文來源:香港討論區

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

李梓敬赴英交流被撤回邀請 葉劉淑儀:因海外反中亂港分子從中游說

27萬港人赴日豪花近45億元排全球第二 人均消費世界第一●脂肪積聚1部位恐致命 4招激減60公斤防重病●《星島頭條》每朝為你3分鐘新聞快charge

新蒲崗三級火│消防帶走兩兔仔 過百消防學員視察災場

將軍澳跨灣大橋錄逾50單車意外有人骨折 醫療輔助隊派單張提醒

都市網新聞