Juicy叮｜ 學生哥危坐唐樓天台邊 網民讚似劇照「好有王家衛feel」

君子不立危牆下，青年愛坐危牆邊。兩名學生哥在唐樓天台圍牆對開的長窄小空地hea坐，被上載相片的網民形容為「不怕危險的少年」，回應的網民都驚呼「危險呀！細路！」、「好危險嘅吖」，但原來也同時勾起了一代人的輕狂歲月，指回憶返晒嚟。

現場情況及網民回應請點擊組圖瀏覽：

上載相片的網民形容兩位學生哥為「不怕危險的少年」。網圖

 

懷舊網民指「70/80年代好多人都坐喺度吹水㗎喇！」。網上截圖

 

網民發現這些位「就係tbb經常扮跳樓嗰啲位」。網上截圖

 

網民形容「呢D咪真正嘅『邊緣青年』囉」。網上截圖

 

網民指「呢啲咪青春囉」。網上截圖

 

網民先大讚這幀唐樓「邊緣青年」相像劇照，「好有王家衛feel」，亦有電視迷發現「係咪就係tbb經常扮跳樓嗰啲位」，還有人看圖編出了個故事來「呢個角度有啲似私家偵探租咗對面樓個單位影2個卧底喺天台匿埋交換情報，anyways，影得好」。

說到那些年的青澀憶記，網民不約而同說出了「秘密基地」的暱稱，指「以前7、8歲時，我同D朋友仔都有玩，我哋叫呢D位置做『秘密基地』，真係好開心好好嘅回憶嚟」。

暱稱「秘密基地」

滿載舊日情懷的網民並指，「呢D咪真正嘅『邊緣青年』囉」，「其實身處其中時，真的一點也不覺得危險」，「我哋以前都係咁坐，前面係平石屎地，以前無咁多高樓大厦，天空海闊，對面天台又可以望」、「其實我細個都好鍾意咁樣坐，當年我仲係小學生」、「70/80年代好多人都坐喺度吹水㗎喇！」。

網民一人一句續指，「我以前同D同學都係咁坐傾心事，只要自己小心D，其實沒有問題。樓主可能屋企有錢，未試過坐係呢D天台吧！」，甚至有人的回憶遠至50年代，指「50年代我哋小孩都係咁坐睇街景，67年的暴動催淚彈還飄到上來，當時唔覺什麼一回事，現時梗係條命矜貴D啦」。

帖文來源：香港風景攝影會
 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。