世界盃2022｜專欄：厄瓜多爾贏到收韁

今屆世界盃只踢了第一輪分組賽事，隨着所有熱門球隊登場，巿面嘅世界氣氛開始進入狀態。兩支熱門英格蘭、西班牙首戰都大勝開紅盤，炒熱個場。另外兩支熱門阿根廷、德國則分別爆冷輸畀亞洲代表沙特同日本，過程超「燃」！呢啲就係足球感染力，連身在東京的女友也被當地球迷呼叫聲，都開電視加入戰圈。

VAR都用咗幾年啦，大家都接受咗個規矩，但國際足協今屆又加入新玩法，「AI半自動越位識別技術」，的確令球賽流暢咗，但對已經習慣「咁你拉一拉條綫畀我睇先」嘅球迷，而家你連解釋都好似廢事咁，就有種「你話係就係呀」嘅抑鬱。 

A組荷蘭保住首名出綫實在太重要，計正可避開英格蘭、法國，入四強前都無大阻力，今場基本保不敗就起碼保住首名主導權。但係上仗荷蘭搏盡險勝，厄瓜多爾就半場就收咗工，拉住贏到收晒韁，汗都無滴，推介讓球「+0.5/+1」下盤厄瓜多爾啦！另外，小注玩下半場波膽0:1。馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。