張敬軒舉行20週年跨年演唱會開足10場 立即睇票價 及訂飛時間、詳情

張敬軒（軒公）今日（8日）於社交網宣佈將於12月20日至1月2日於灣仔會議展覽中心舉行10場《Revisit張敬軒演唱會》，繼上年舉行的跨年演唱會，軒公今年再於年尾開演唱會，橫跨聖誕節及新年。演唱會將於今個月16至18日以銀行信用卡優先訂購，22日公開發售，首場則是歌迷會HCFC會員專場。

 

【相關閱讀】：Lucy李元元忘情跳舞勁陶醉 原唱張敬軒驚喜現身回應甘拜下風

 

【點擊睇軒公演唱會詳情】：

12月20日至1月2日會有10場演唱會！

軒公今次染咗藍髮影海報相。

喺大形機艙入面影。

軒公都好想去旅行！

型！

各位fans記得mark定日子喇！

軒公上年開嘅《The next 20演唱會》都係跨年。

今次會係20週年嘅大總結。

 

染了一頭藍髮的軒公，於大形機艙內拍攝海報，3年未上過飛機，軒仔及工作人員都非常開心及懷念，軒公更笑言有「陌生感覺」，更表示演唱會結束後，他就會馬上飛去旅行，看來真的很期待可以飛！但這三年不能去旅行，他認為也不是很可惜，因為大家花了很多時間游歷香港：「呢三年大家睇多咗香港本身好多靚風景。而且疫情都教會咗我哋好多嘢，人同人之間相處回憶變得好珍貴。」

 

軒公指，今次演唱會用《Revisit》，解作舊地重遊，所以這個演唱會，他將用自己的歌與大家一起重遊20年的回憶：「對人對事對青春一齊來遊歷一次，我相信歌迷同我一樣，會有好多回憶。」由於之前舉行26場二十週年演唱會，歌迷認為還有很多未唱的歌亦很想聽，因此在多方面都配合下，決定再一起為20週年寫上一個完美句號！而這次演唱會歌單選曲更是以歌迷投票形式選出。

 

另外，今次演唱會會做三面台，軒公指他已經好幾年沒有做過三面台，都非常有新鮮感。「今次我哋都好大製作，好重本。首先係音響方面，保證每一個觀眾會有聽覺上最高之享受，另外視覺上都會好靚，聖誕新年是開心日子，所以成個騷唔會似上一次咁heavy，會歡樂好多。另外都一定唔會剩係唱Side Track（非主打歌），雖然好多歌迷話好多Side Track想聽，但係今次係重遊20週年的歌，所以經典的好聽的都會唱。」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。