AK認失眠無胃口 體重暴跌

AK與Tiger都期待演唱會意外報告的出現。

（星島日報報道）MIRROR成員江𤒹生（AK）及邱傲然（Tiger）、歐錦棠、談善言與鍾舒漫等昨日在西貢為ViuTV新劇《打天下2》進行開鏡拜神儀式，這亦是AK與Tiger自7月MIRROR演唱會意外後首次公開露面，AK雖然明顯瘦了不少，但常面露微笑，至於Tiger則依舊較少笑容。休團兩個月為事件沉澱，Tiger承認有不開心，現在有機會工作見到更多人，反而會感覺舒服一點。而AK承認因睡眠質素不好及胃口不好而瘦了：「現時度28吋腰，以前有30吋。劇組都叫我唔好再瘦，因為10月頭fitting嘅褲已經唔啱着。」

因Makerville在有明確聲明前已安排MIRROR成員復工，令他們慘變磨心，AK表示：「因為始終呢件事牽涉到好多法律上嘅問題，我知道連公司都未係好方便去講住，因為政府始終未交代到一個完整嘅報告，我哋知道嘅嘢同公司知道嘅其實都差唔多，我哋都等緊個報告，但覺得呢段時間慢慢去進入返個生活節奏，都係一件好事。」AK又說：「我唯一知道嘅係，當時我哋喺現場，我哋知道件事發生係點樣，我亦都知道公司係盡咗最大嘅能力去保護我哋，花姐第三場坐咗喺控制台睇住成個騷，呢啲都只係得我哋先至會知道嘅事。」Tiger則說：「我從來都唔覺得公司龜縮，其實佢哋都好錫我哋、好照顧我哋，但無奈有好多唔係想唔想講，係唔講得嘅問題，所以大家現時都盡可能做好自己要做嘅嘢，做個好人就已經係幫緊件事。」
未有機會探望阿Mo
AK透露有跟其他舞蹈員聯絡，更有與兩名受傷舞蹈員見面。問到有否探望阿Mo（李啟言）？他稱很想去探望，但因為醫院的條例不能夠那麼多人一起去探望，加上阿Mo身處的不是普通病房，其家人也想專心照顧阿Mo而仍未有機會，但有緊貼其最新情況，問到可會視訊見面？他說：「我唔知道阿Mo喺病房嘅作息時間，我唔知道我哋可唔可以match到同阿Mo嘅FaceTime時間，呢個要再問公司，睇吓情況點樣，可唔可以再安排。」
MIRROR比以前更團結
提到早前退出粉絲群組一事，AK承認情緒不穩定，認為退出只是小事，只想專注工作及靜一靜，提到在手臂的「M」字新紋身，AK形容紋身與家人有關、是「屋企人手臂」，結婚也未必紋上老婆的名字。傳言MIRROR的合約即將到期而散團，AK說：「仲爭好遠，至於散團，我哋12個都好珍惜大家所擁有嘅嘢，亦都好珍惜公司俾到我哋嘅機會，我哋經歷咗咁大件事，其實我哋12個都有一齊去傾，反而比以前更團結。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。