酒樓直擊12人一枱 食客開心 :「恨咗好耐,以後會嚟多啲」

今日(6日)起放寬社交距離措施,食肆每枱人數由8人增至12人。記者早上到旺角區的酒樓觀察,早茶明顯較前旺場,有食客對12人一枱表示歡迎「恨咗好耐,開心好多」,而食肆負責人指12人一枱對夜市幫助較大,生意有望好轉。

旺角倫敦大酒樓今早所見,枱枱有客,幾乎滿座,當中不乏12人一枱。食客謝太一枱坐滿,一班茶友相見歡,言笑晏晏,她笑說今晨9時半到達酒樓,與一班好友暢聚,「疫情前16人都試過。恨咗好耐,開心好多,方便我哋交流吓,放寬咗,以後會嚟多啲。 」

食客謝太與一班好友坐大枱,對放放寬社交距離,她笑言日後「會多啲嚟」。蔡楚輝攝

酒樓早市旺場。

酒樓出示完成安心出行及快測合格字樣。

酒樓早市旺場。

酒樓副總經理蘇萬誠說,放寬12人一枱對晚市較有幫助。蔡楚輝攝

酒樓副總經理蘇萬誠說,新措施由以往8人放寬至12人,其實對早午茶市影響不大,因為早茶或午飯通常都是幾位較多,但對晚上夜市的幫助則大好多。「12位係整整一枱,希望啲人樂意擺返酒,希望個多兩個月酒席返嚟,唔使丟空個場,大家都有喜慶場地用。」

他指員工現在尚未返十足工,如生意好,夥計返工時間會增多,「我哋冇裁減過員工,如生意旺啲,會再加添人手,正常嘅話,我哋夠人手用。 」惟蘇萬誠表示,要做快測的措施維持不變,反而對業界影響最大,「好多老人家唔習慣或者疏忽撩鼻,如果放寬呢樣嘢會更好。」

 

 

 

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

精英運動員慈善基金等合辦「觀塘區同樂日」 鼓勵市民多做運動

中環灣仔海濱設1公里行人共享單車徑 可免費借單車環遊海濱

Juicy叮|批父母無家教致小朋友食相差 港女自稱「鬼妹仔性格」無惡意

港區人大選舉|霍啟剛宣布參選 冀發揮雙向橋樑作用

都市網新聞