洪嘉豪11月舉辦首個唱 路上發生意外認悲觀要改

洪嘉豪將於1112日及13日舉辦第一個個人演唱會 ,兩場演唱會加埋等同開兩場紅館三面台,而現時內部認購亦已爆滿。除咗講到今次演唱會嘅特別構思,嘉豪仲話會有新驚喜畀大家!

11月院長會有兩場演唱會,各位院友準備好未?

大家估唔估到呢個造型有咩含意?

一齊欣賞吓海報相嘅花絮先~

象徵演藝生涯的縮影

早前嘉豪為演唱會影海報相,海報特別將四季置於身上,服裝七彩繽紛之餘,臉上又有一滴銀色淚,象徵他演藝路上一路走來的縮影。嘉豪表示:「好多嘢都係由一個循環組成,人生、愛情,我新歌《還原淚》都係講緊一個循環。今次想成個主題都圍繞開心歡樂,所以你見我身上都係七彩繽紛。但又有春夏秋冬循環縮影。」

 

希望親友、fans見證

提及今次個唱嘅規模其實等同兩場紅館咁多人,嘉豪就好驚訝,仲話:「第一次聽到腳都震。(內部認購已經爆晒喇!)我都係而家先知!慘啦咁就,我仲有好多兄弟、朋友、屋企人未落飛……我仲獅子開大口答應咗佢哋,今次一定買到飛,我點算啦.....而家點算?」嘉豪仲話,自己一直希望開戶外演唱會,而今次仲有屋企人、朋友,同埋一班fans見證:「希望佢哋全部都可以在場,同我一齊見證呢個大日子,佢哋無論我高高低低都喺我身邊,對我嚟講,係好重要的人!」

預告會有新驚喜

嘉豪表示上次同MC合作嘅「FRENEMY Live 2022」演唱會已經開始操肌,仲話會一路keep住。至於會唔會除衫,嘉豪就話:「11月都涼啦……到時入場睇囉!」而跳舞就「一定會跳得好過上次!」除此之外,嘉豪仲預告埋會有新驚喜!嘉豪嚟影樓前原來發生咗個意外:「我住得遠係人都知,要11點到達開工,我好早起身準備啦!好準時過緊海,諗住仲有七分鐘,一定早到,點知就喺呢一刻,喺隧道入面,聽到架車「噗、噗、噗」聲。我當時喺中間線停唔到車,心諗唔係爆胎呀?捱到出隧道口,停埋一邊一望『爆晒!』好彩有個職員哥哥嚟救我,問我使唔使幫手,仲開條私家路我行,我入私家路之後,一、兩分鐘轉出嚟就已經係汽車維修店!雖然遲到少少,但係都安全到步。」

在場同事即刻反問:「你唔係倒霉喎,你係好好彩!你爆咗有人幫,仲開條光明大道你行,你行運啦你!點會係倒霉?」嘉豪傻笑答:「係喎,我真係要改吓自己悲觀性格!」、「唔駛叫拖車!」

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

姚嘉妮晒亞視年代驚人靚相著小背心騷纖瘦 同框蔡國威似營養不良?

27歲暴肥戴祖儀驚爆「爆磅」體重磅數 粉絲嚇親:真係估唔到

黃翠如體驗摩納哥富豪生活自嘲連狗都不如 一去貧民窟即想買起人「全家」

王丹妮著5吋高跟鞋亮相搶鏡 放話老公回港後買珠寶作禮物

都市網新聞