4港姐做性感野人！何泳芍著Bra top晒傲人上圍 陳若思心口開窿搏到盡

無綫J2明日將播出全新真人騷《港女野人》，4位前港姐何泳芍（Honey）、陳若思（Amber）、廖慧儀（Jessica）及胡美貽（Nicole）打扮超性感，以誘人運動裝上陣，挑戰港九新界不同難度系數山野，更大玩水上極限運動。

四位港女野人喺節目入面會挑戰港九新界唔同難度系數嘅山野，當中包括有「香港第一險峰」之稱嘅蚺蛇尖，真係唔惹小播。

除了行山，仲有攀岩。

同埋大量各式各樣嘅水上運動。

另外仲有探險。

由於啲挑戰都好Hardcore吓，所以其間險象橫生，好彩有「達人」照顧住。

叫得真人騷，梗係會有唔少真實面貌畀大家睇，呢位Amber原來好褦襶（音：呢啡）架。

雖然四位「港女野人」嘅理想美食喺野外就食唔到，但佢哋就喺製作組安排下體驗咗柴燒野炊，仲個個都食到舔舔脷。

紮營都係四女落手落腳自己嚟，難怪整好之後個樣咁有滿足感。

一個二個嘅「落床素顏」相繼曝光，當中似乎以Jessica對自己嘅素顏最冇負擔喎。

因為呢班達人，四位「港女野人」多咗好多成就解鎖。

4位港姐在節目中獲6位來自5個不同界別的山野系「達人」幫手，教4位港姐野外生火、劈柴、柴火煮食、釣魚、山系攝影及執垃圾等不同層面及程度技能，仲要玩埋獨木舟、浮潛、滑浪、攀岩、澗水及深入危險地帶探險，考驗她們的體能、耐力、靈活度及膽量。節目組將24小時緊貼4位港女港姐的山野人生，攝製隊由她們起床一刻已開定機直擊，令四女素顏相繼曝光。除了素顏無所遁形，遭受嚴密監管的「港女野人」，所有缺點亦是即時見光死，其中Amber便被發現將吃剩的薯片亂掉一通，相當褦襶，遭「篷友」Nicole嚴重嫌棄。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。