最后礼物丨黄子华望将舞台剧变电影版 自爆每做完一场都怕会死

黄子华、潘灿良主演的舞台剧《最后礼物》昨晚（25日）圆满落幕，潘灿良在台上依依不舍地说：“我呢世，可能得呢次机会同子华合作。所以好珍惜，黄子华我会怀念你！其实疫情之间，做呢个骚真系非常唔容易，好荣幸，庆幸，呢个骚一波多折，最终都可以喺舞台上同大家见面，五十个晚上，全体近百个工作人员，只有一个轻微感染案例，仲要系发生喺休息日之中，冇传染畀任何一位演员及工作人员，大家顺顺利利健健康做晒这五十场，真系非常之唔容易！” 

     
子华谂起发梦梦见今日系opening，即刻搞笑扮晕倒瞓地！

祈求演出顺利。

食饱啲！

圆满落幕。

黄子华与潘灿良首次合演舞台剧。

子华话好开心同区嘉雯合作！

子华赞呢个班底好强劲！

黄子华亦表示：“今次真系可一不可再！大家唔好见我冇乜嘢，其实我每场都惊系最后一场，唔系惊病，咩疫𠮶啲 ，我系惊我会死，因为我演完每一场都死咗咁滞。”黄子华还多谢台上每一位出色的舞台艺术工作者，今次的班底称得上是史无前例般厉害：“我当年入香港话剧团时，几乎每一套剧嘅女主角都系区嘉雯，我恨不得有份同佢做戏，最后我有一次机会，系喺莎士比亚剧入面做佢细佬，著住对丝袜走出嚟，何其尴尬，所以我真系好开心，今次可以同咁多好演员合作。至于潘灿良，就唔驶讲啦，佢系我honey，我直头系佢fans！”

演出完毕之后，黄子华和潘灿良于后台跟大家开香槟作小庆祝，两人将“各奔前程”，潘灿良忙自己执导的新剧《短暂的婚姻》，黄子华亦会回归《饭气攻心》的谢票活动：“我梗系戥导演及编剧高兴，佢哋用咗好多心血去做一个好剧本，能够得观众鼓励系好重要。”对于潘灿良可能今次是最后一次合作，黄子华大笑地说：“点会？我哋大把机会可以再合作啦。”笑称不如将《最后礼物》变成电影版搬上大银幕，潘灿良说：“都可以㖞，而家其实有舞台剧已经试紧，喺电影院度播，不过未成气侯，我哋可以谂吓带起呢个新风气。”黄子华也感认同：“真系可以，我哋都有录影，可以直接喺戏院播成套舞台剧，等多啲人睇到个制作！”

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。