最後禮物丨黃子華望將舞台劇變電影版 自爆每做完一場都怕會死

黃子華、潘燦良主演的舞台劇《最後禮物》昨晚(25日)圓滿落幕,潘燦良在台上依依不捨地說:「我呢世,可能得呢次機會同子華合作。所以好珍惜,黃子華我會懷念你!其實疫情之間,做呢個騷真係非常唔容易,好榮幸,慶幸,呢個騷一波多折,最終都可以喺舞台上同大家見面,五十個晚上,全體近百個工作人員,只有一個輕微感染案例,仲要係發生喺休息日之中,冇傳染畀任何一位演員及工作人員,大家順順利利健健康做晒這五十場,真係非常之唔容易!」 

     
子華諗起發夢夢見今日係opening,即刻搞笑扮暈倒瞓地!


祈求演出順利。


食飽啲!


圓滿落幕。


黃子華與潘燦良首次合演舞台劇。


子華話好開心同區嘉雯合作!


子華讚呢個班底好強勁!

黃子華亦表示:「今次真係可一不可再!大家唔好見我冇乜嘢,其實我每場都驚係最後一場,唔係驚病,咩疫嗰啲 ,我係驚我會死,因為我演完每一場都死咗咁滯。」黃子華還多謝台上每一位出色的舞台藝術工作者,今次的班底稱得上是史無前例般厲害:「我當年入香港話劇團時,幾乎每一套劇嘅女主角都係區嘉雯,我恨不得有份同佢做戲,最後我有一次機會,係喺莎士比亞劇入面做佢細佬,著住對絲襪走出嚟,何其尷尬,所以我真係好開心,今次可以同咁多好演員合作。至於潘燦良,就唔駛講啦,佢係我honey,我直頭係佢fans!」

演出完畢之後,黃子華和潘燦良於後台跟大家開香檳作小慶祝,兩人將「各奔前程」,潘燦良忙自己執導的新劇《短暫的婚姻》,黃子華亦會回歸《飯氣攻心》的謝票活動:「我梗係戥導演及編劇高興,佢哋用咗好多心血去做一個好劇本,能夠得觀眾鼓勵係好重要。」對於潘燦良可能今次是最後一次合作,黃子華大笑地說:「點會?我哋大把機會可以再合作啦。」笑稱不如將《最後禮物》變成電影版搬上大銀幕,潘燦良說:「都可以喎,而家其實有舞台劇已經試緊,喺電影院度播,不過未成氣侯,我哋可以諗吓帶起呢個新風氣。」黃子華也感認同:「真係可以,我哋都有錄影,可以直接喺戲院播成套舞台劇,等多啲人睇到個製作!」

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

金像獎2024丨準影帝影后造型照曝光!大熱余香凝展高䠷身材硬撼露腰鍾雪瑩

元彪拍《新蜀山劍俠》與鄭少秋林青霞合作驚到腳震 不愛宣傳但不介意復出拍戲

64歲何家勁自揭前列腺肥大 轉型從商傳身家逾億 旗下廠房獲頒龍頭企業殊榮

MIRROR分組謝票逾百場

都市網新聞