香港小姐2022|冠軍林鈺洧曾被父親林俊賢潑冷水 以成績證明唔係玩玩吓

2022香港小姐競選 》今晚(25日)在紅磡香港體育館舉行,新鮮出爐的三甲連同友誼小姐得主於紅館現場接受司儀陸浩明訪問。出爐冠軍是林俊賢27歲愛女林鈺洧,她於奪獎一刻表現驚訝,她於節目《2022香港小姐美麗繼承者》受訪表示:「其實我仲有啲唔係咁相信自己攞咗冠軍,因為我覺得自己表現唔係話十分好。」林鈺洧更開心到有些語無倫次,並表現有些呆。但講到有甚麼說話想對父親林俊賢說,就即變開籠雀,「我嗰陣時問你(林俊賢)呢……好唔好參選香港小姐呢,你同我講唔好玩,你睇吓而家我攞咗冠軍喇!多謝!」非常招積。

新鮮出爐港姐三甲:(左起)許子萱、林鈺洧、梁超怡。

出爐冠軍是林俊賢27歲愛女林鈺洧。

林鈺洧於奪獎一刻表現驚訝。

林鈺洧事後受訪表示:「其實我仲有啲唔係咁相信自己攞咗冠軍,因為我覺得自己表現唔係話十分好。」

得獎者與最上鏡小姐評判團合照。

林鈺洧接受司儀陸浩明訪問,開心到有些語無倫次。

林鈺洧父親林俊賢以為女兒表示想參選港姐是玩玩吓。

林俊賢最初得知女兒想參選港姐,竟表示:「唔好玩啦!」

三甲及友誼小姐齊齊做訪問。

邢慧敏奪得「友誼小姐」。

許子萱(左二)奪得亞軍、「國際親善小姐」及「生態保育大使」,她表示好開心識到咁多好朋友。

季軍及最上鏡小姐得主梁超怡。

林鈺洧接受傳媒訪問時亦再表示不滿意自己表現,她稱可能對自己要求高有點苛刻,最不滿意是問答環節,控制時間方面不太好。問她爸爸林俊賢有沒有來支持?她指爸爸在內地,因不想隔離沒有返港,但他在香港好多朋友,應該知道她得獎。得獎後她透露曾被父親「踩台」,她在5月中截止報名前參選,她問過爸爸意見,但爸爸叫她唔好玩,她被這句說話有點激發。這刻她最想瞓番場好覺,因參選這個旅程感覺有點攰,不過是美好回憶,她從來沒參加大型比賽。對於入行則抱開放態度,最想做慈善方面工作。

而奪得亞軍、「國際親善小姐」及「生態保育大使」的許子萱,受訪時表示:「我覺得好開心,因為對於我嚟講都係一次好難忘嘅經歷,識到咁多好朋友,咁多位咁優秀嘅佳麗。我覺得的確是我人生路上一個好重要嘅篇章,我都好期待跟住落嚟嘅路程。」而季軍及最上鏡小姐得主梁超怡則表示辛苦了幾個月,得到自己滿意的成績同樣表示好開心。至於賽前被視為大熱、奪得「友誼小姐」的邢慧敏這次卻10強不入,她受訪時分享奪得「友誼小姐」的心得,「做自己,可能我本身個人都比較直率,所以就咩都同大家講,冇秘密囉!」

訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

盤點長腿星二代丨任達華愛女擁110cm逆天長腿 天后16歲囡囡夠修長盡得真傳

任達華郭富城水墨畫作曝光 華哥型佬造型現身計劃明年搞個展

高鈞賢公開「出櫃」親密照?網民驚訝指兩人十分般配

獨家丨岑珈其期待同囝囝去張保仔洞探險 聲演《奇異大世界》圓三代同堂歷險夢

都市網新聞