独家丨陈安立拍《食得怪》难顶摩洛哥暗黑食物 硬吞药材煮蜗牛臭到想呕

陈安立（Brian）最近跟陈俞希（Hailey）拍住主持ViuTV《食得怪 先好嗌》，本来疫情关系已3年冇离开过香港，难得有机会一次过去英国、意大利、葡萄牙、西班牙和摩洛哥等6过国家拍节目，绝对是优差，不过由于今次节目是食暗黑料理为主。Brian强调暂时播出的食物未算刺激，下星期介绍摩洛哥的食物先最恶顶，更封摩洛哥为此行最多难食嘢的国家，真系差啲食到呕。采访：杜杜

Brian和Hailey在摩洛哥见到最多古怪事物，蛇已算好普通。

Brian此行先到英国拍摄《人去公厕 我去公厕》，之后陈俞希再飞到当地汇合他一齐拍《食得怪》，认真重口味，“本嚟好多朋友都好羡慕我可以有得飞，仲一去就去6过国家，但系去完公厕再食暗黑料理，大家都知道唔系想像中咁舒服好玩啦！哈哈！”

Brian此行去了6个国家，觉得摩洛哥食物最古怪。

Brian和Hailey去摩洛哥，仲有当地人妻、商台DJ谢茜嘉同老公一齐做向导。

不过，Brian完全唔介意，仲自认对食物比较有冒险精神，就算明知是暗黑料理，都会抱住人一世物一世心态试一试，“其实唔系好多嘢食真系咁难食，好似之前播咗喺英国食嘅鳗鱼啫喱，个样系怪啲，但其实几好食㗎！”讲到真正的暗黑料理，他认为意大利的活蛆虫干酪一定有份，“首先你知道里面系有啲蛆虫喺度，但因为我哋未啱季节食，啲蛆虫仲系蛋嚟，但系啱时候嘅话，系直情有啲郁嘅蛆虫喺度，个样好恐怖，但而我哋食嘅虽然只系有蛋，但发霉得好劲，个发霉味已经好浓，个质地仲要好黐身，食嘅时候会酱住个嘴，超级奇怪。”

活蛆虫干酪，表面睇冇乜嘢，其实里面有大量蛆虫蛋。

如果啱时候，活蛆虫干酪系会有好多识郁嘅蛆虫喺度。

Brian谓此行大部份国家的奇怪食物，其实要专登揾先至有得食，唯独摩洛哥早已将暗黑料理融入生活当中，“我哋试过去一个家庭度，佢哋烧咗啲白鸽畀我哋食，但系佢哋竟然唔系自己养，系啲白鸽飞嚟佢哋就捉嚟煮，就地取材。”不过令他和陈俞希觉得最恐怖要算食骆驼，“其实我哋最初唔知系咩肉嚟，以为系牛肉，但系又比牛肉浓味，后尾先知系骆驼肉，即刻吓到我同Hailey唔敢食，最惨系第二日我哋仲要去沙漠骑骆驼，搞到我哋几有罪恶感呀！”不过要讲最难食，绝对是蜗牛，“当地人话系用嚟补身，加咗好多药材落去煲，但系啲蜗牛个样好清楚，唔系好似田螺咁，而且好臭好难食，差啲呕呀！”

就地取材整的烧白鸽，Brian都觉得好神奇。

食完骆驼肉再去骑骆驼，搞到Brian都好有罪恶感。

呢个蜗牛补品，Brian同导游讲（右一）完全无福消受。

蜗牛连壳一齐煮，之后再竹签挑嚿肉出嚟食。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。