愛回家丨「細龍太」爆被前輩粗口問候 呂慧儀成嫌疑人:又係我?

呂慧儀、蘇韻姿、劉丹、袁文傑及張景淳等今日出席《愛·回家之開心速遞》宣傳,活動上眾人除了弄野餐盒外,亦即場搭建野餐場景。本週日(25日)便是《2022年度香港小姐競選》決賽,同是港姐出身的呂慧儀及蘇韻姿均表示到時會入場觀看,問到可會以性感戰衣登場?呂慧儀笑說:「蟹子會睇,唔得,冇經佢同意唔着得。我覺得最緊要靚,港姐係畀人高貴形象,所以我依家都要收心養性,淑女少少。」

至於蘇韻姿則指因當晚主角是港姐,故不會着得太性感,以免搶風頭。兩人又覺得今年參賽佳麗質素很平均,但呂慧儀就認為1號徐麟變化最大,而她們亦有畀貼士一班師妹,叫她決賽日以平常心面對,因為緊張就會失準。

《愛·回家之開心速遞》劇組今日舉行宣傳活動。

活動上眾人一齊整野餐盒。

呂慧儀及蘇韻姿都不認同港姐泳裝環節「個個少布到不得了」的言論。

呂慧儀早前疑被「細龍太」陳思圻暗指是「粗口前輩」。

「細龍太」陳思圻早前指拍攝《愛·回家》時曾被前輩以粗口問候。

林淑敏透露稍後將會扮演《我和殭屍有個約會》中的馬小玲。

對於日前監警會委員余黎青萍突公開批評港姐泳裝環節「個個少布到不得了」,呂慧儀與蘇韻姿異口同聲指不認同,呂慧儀更反問:「咁多年而家先講?我又唔覺少布到不得了,以前真係勁,高叉真係好高。其實泳裝環節係展現女性嘅美,除咗內在之外都有體態美,如果唔着得泳裝咁着乜?心態點睇好重要,有時唔好睇得太認真同唔好太偏向某一方,希望大家向好嗰方面去睇。」

早前「細龍太」陳思圻(前名:陳偉琪)指拍攝《愛·回家》時曾被前輩以粗口問候,成為嫌疑人之一的呂慧儀聽後即很大反應說:「又係我?我冇聽過呢個新聞。我哋好和諧,唔知佢講邊個,點解佢唔開名?(咁你有冇鬧過人?)劇中有,劇外冇呢個印象,我通常係道出事實。」呂慧儀又指每個演員也有情緒,不過若將情緒帶入劇中就會影響表現,所以自己盡量不會在拍攝時發脾氣,問她是否有被人鬧過?她説:「我係聲大大,畀人哋以為我鬧人,但我都冇畀人鬧。」

另外,蘇韻姿與袁文傑及樊亦敏殺入《好聲好戲2》決賽,她笑指三人也是《愛·回家》成員:「我哋好似騎劫咗個節目咁,唔好意思,希望大家有驚喜,畀觀眾睇到我哋另一面。」

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

許志安相隔3年「搵番自己」 出新歌前先做一件事Fans溫提要生性

林俊賢戥林鈺洧被稱「性女」心痛 撐女兒言論自覺「冇乜嘢」

劉以達靠營養師加日跑兩次步 9個月激減30磅老婆更勁跑走40磅

港姐2022邢慧敏大熱倒灶!盤點爆紅落選港姐 呢位退選後變亞洲女神

都市網新聞