獨家丨舊愛何超雲傳結婚 王大業有拍拖3年Model女友服侍周到

已故賭王何鴻燊三房千金何超雲,近日成為新聞人物,有傳佢答應拍拖7個月,任職消防隊長的圈外男友Douglas求婚,確實結婚日期尚未公佈,而何家人亦一律封口未有回應。2010年曾跟超雲拍拖,有皮草太子爺之稱的王大業(Andy)仍活躍於名人界,跟曾拍戲的Model女友Louisa 拍拖3年,之前《頭條日報》就影到女方陪男方試鞋,仲主動遞上酒精搓手液畀男友,好體貼喎。採訪:娛樂組

回一回帶先,2010年,何超雲喺已成歷史的珍寶海鮮舫筵開五席慶祝21歲生日,當夜仲拖住大佢九年的王大業現身,高調承認戀情,不過兩人拍拖未夠一年就分手,有傳當年賭王覺得男方唔識做人而麻麻哋佢,所以超雲最終將王大業降回朋友關係,野史嘅嘢真係信不信由你。

有傳超雲好事近。

當年超雲開生日宴,帶埋王大業現身公告戀情。

有傳男方唔識做人而同超雲分開。

女友好體貼
講返王大業,同Model女友Louisa 拍拖3年相當穩定,從男方IG都偶然見到女友蹤影,反而女方IG就極少見到Andy。日前晚上7時,兩人到銅鑼灣利園附近名店睇波鞋,見男方行勻全間舖逐對鞋拎上手睇,女友就坐埋一邊,見男友試鞋又會畀意見,女友坐得耐又會企吓,Andy揀足一個鐘拎住戰利品離開,一出門口女友即遞上酒精搓手液畀男友,然後再陪男友除口罩食煙,雖然眼神唔多鍾意但無話詐型,呢啲女友可以做老婆啦。

王大業睇鞋都有問女友意見。

買完鞋再拖住手繼續行街。

王大業係潮人,成個IG都係PO新款產品。

女方IG唔多見男友影蹤,偶然喺STORY先見到一張。

做過Model擺甫士都唔同啲。

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

《愛回家》書蟲林浩文確診入竹篙灣 自嘲貞節牌坊被打破

一文睇《愛回家》瀨尿Mary出道7年顏值轉變 曾組女團賣長腿參加《造星》晒纖腰

亞視一姐丨薛影儀跟林寶玉被大馬驚慄片名導睇中 踏出進軍大馬第一步

ANSONBEAN唔識浪漫冧女好渣 熒幕初吻獻吳家忻笑言好好錫

都市網新聞