好聲好戲｜陸浩明配音冇「戲味」表現失準 汪明荃狠批：都係做番主持

TVB第二季聲演真人騷《好聲好戲》第三輪出賽藝人有李佳芯（Ali）、袁文傑、陸浩明（6號）及黃俊豪，爭奪晉身決賽的最後一張入場券。在熱身環節表現出色的 Ali繼續保持水準，今次她選擇聲演《執到寶》黃韻詩被「唱大戲男鬼」及「重口音女鬼」上身的場口，挑戰高難度大玩「雌雄同體」，結果貴為視后的Ali 輕鬆駕馭，最終獲得 11 盞綠燈滿分佳績，龍天生大讚：「你第一粒音已經似黃韻詩，有 嗰種味道。」連出名要求高的黃鳳英都大表認同，凌晞則說：「好鍾意你扮個老婆，個口音好正，同埋嗰啲『嗯（嬌嗲聲）』，好正！」

李佳芯聲演《執到寶》黃韻詩被兩隻鬼上身場口。

李佳芯表現出色啦。

李佳芯被讚好似黃韻詩。

獲得 11 盞綠燈滿分成績。

    
成個人鬆晒！

陸浩明聲演《溏心風暴》阮兆祥被逐出家門場口。

陸浩明司儀腔太重，搞到「戲味」欠奉。

阿姐叫佢返去做主持！

陸浩明聽到阿姐無情重擊，心都裂埋。

黃俊豪表現麻麻，更一度哽咽嗌壓力大。

陸浩明（6 號）挑戰聲演《溏心風暴》阮兆祥被逐出家門的場口，雖然做開司儀的6 號在咬字發音都保持水準，可惜「戲味」欠奉，事後遭阿姐狠評：「係進步咗好多，但做戲就唔同囉， 尤其用把聲嚟做戲，你兩樣都未到，你都係做番主持好啲！」6 號事後受訪時直言心都裂埋：「鏡頭後阿姐都有教我如果要學配音或者演戲，真係要搵個人或者實物練會好啲 囉，其實阿姐好窩心嘅。」熱身階段表現麻麻的黃俊豪於今回合再度失準，一眾評判睇 到「鞋鞋聲」，阿姐狠批「有懶音又甩嘴」 ，大受打擊的黃俊豪一度哽咽直指「壓力大」。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。