失衡凶間丨吳海昕擇偶唔使大膽 關楚耀斷手獲女友照顧增感情

顏卓靈、吳海昕、關楚耀及陳維諾等今晚(19日)出席驚悚電影《失衡凶間》首映禮,吳海昕在戲中飾演神經質女作家,事前有看過《異度空間》及《鬼域》等電影作參考,又笑指由於太入戲關係,就算導演要求她在牆上寫愛情故事,但她卻寫一些很血腥的事情。

 

問到是否怕難抽離角色?吳海昕表示不會,因部戲有點黑色幽默:「除咗係驚悚片外都描寫好多心理上嘅嘢,同埋有啲荒誕嘅成份喺度。」她又透露在拍攝現場亦有問任賢齊如何做好驚的表情,「佢話根本都唔使去做,有時好平靜或只用呼吸聲已經可以帶畀觀眾好大嘅幻想。」曾任多年空姐的吳海昕又自認大膽,可以一個人住及去旅行,問到日後擇偶首要條件是否要夠大膽?她笑說:「我諗唔使,咁重陽氣都夠。(細膽唔得?)其實都得,我保護返佢,我都幾壯㗎!」

 

吳海昕(右)演神經質女作家,表示太入戲曾在牆上寫血腥嘢。

吳海昕自認大膽,可以一個人住或去旅行。

驚悚電影《失衡凶間》今晚舉行首映禮。

 

久未在港露面的關楚耀提到早前踩單車意外斷手一事,他仍有餘悸,因發生意外時看到膊頭上整條骨凸出,最初還以為是甩骹,故嘗試移好位置,但一、兩分鐘後便開始休克,同行的朋友就叫他頂住唔好瞓,關楚耀指今次是他有生以來最嚴重的一次受傷,問到會否有陰影?他說:「有,踩單車OK嘅,但極限運動就真係唔會,咁嘅年紀就唔好搞咁多嘢喇!」他又指手術後覺得健康很重要。

問到空姐女友Joann Law當時是否很擔心?關楚耀說:「好多謝佢,嗰段時間佢都照顧我好多,最初我仲諗要唔要返大陸接部戲?反而係佢支持我,叫我有機會就去外地嘗試。」他坦言經過這次事件後,與女友的感情更好,問到何時娶女友?他笑說:「心態上好多嘢我哋都有溝通,等緊時機,等緊經濟好返。(即係通關之後就求婚?)希望快啲通關,經濟起飛我就求婚。」

 

關楚耀早前跌斷手,幸獲女友悉心照顧。

關楚耀表示等經濟好轉,打算向女友求婚。

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

香港小姐2022︱5號陳婉怡現場出意外 被彩帶打中跪低雙手掩耳

香港小姐2022丨大熱爆炸頭徐麟殺入5強 林俊賢愛女林鈺洧有望入三甲

香港小姐2022︱梁超怡奪季軍 被封「翻版孫藝珍」曾參演《無間道》與梁朝偉對戲

香港小姐2022性感女星逐個睇!謝嘉怡低胸露膊驚艷全場 朱玲玲貴氣迫人

都市網新聞