古仔親解爆喊宣傳真相 抹汗被當拭淚

古仔早前在內地宣傳,被誤會因票房失利而爆喊。 古仔早前在內地宣傳,被誤會因票房失利而爆喊。

 

(星島日報報道)由古天樂主演及擔任總監製的電影《明日戰記》,成為第46屆香港國際電影節開幕電影,前晚古仔與姜皓文及導演吳炫輝到尖沙嘴出席電影節紅地氈儀式。有指古仔早前在宣傳時「感觸落淚」,他前晚解釋其實當時好熱又沒冷氣,如果哭泣就應該有片,他自稱是鋼鐵造,就算跌低都即刻起身。

古天樂早前離港16日到內地為電影做宣傳,提到他在活動上講到希望大家不要令他覺得自己是孤獨一個人,他說:「我話喺呢個(電影)路上,現時隔籬都企咗兩個人。」至於他曾表示入場看電影的人都是他老婆,古仔解釋因為當日在直播時,看到留言的人全部都叫他做老公,所以他才笑指每個入場的人都是他老婆。問到宣傳期間,是否因感觸而流下男兒淚?古仔坦言若自己真的喊,大家應該會看到影片,他笑說:「嗰日我行戲院,佢哋冇開冷氣,熱到呢!」

永遠有進步空間

古仔亦坦言感觸當然會有,因為這部電影花了10年時間,並不是一件容易的事:「我覺得最緊要大家去支持,第二就係作為一套科幻片,無論係點都好,就算好成功,返去都係會檢討,因為永遠都會有進步空間,咁樣先會做得更加好。基於呢個大前提,就算金錢多啲我覺得都應該,如果唔係我哋永遠學唔識呢件事。」古仔又希望大家可以觀看完電影後再給予評論。對於會為電影打多少分數,古仔表示不會為電影評分,因為他覺得好才會推出來:「但我都係補充一句,我覺得可以再好啲,但就需要每一次不停去學習,爭取到經驗先至會有進步。」

被圍集郵索簽名

對於獲得不少藝人在網上聲援新戲,古仔坦言覺得感動,在旁的姜皓文說:「一定需要支持,除咗係古生嘅心血之外,亦都係香港電影一個新嘅里程碑。」問到古仔是否滿意內地票房成績?他說:「我呢,就用鋼鐵造嘅,我唔會跌低嘅,就算跌低我都即刻起返身,大家放心!」古仔又謂現在會專心在香港做好所有宣傳活動。古仔在離開時,停下來為在場的fans簽名外,亦有與他們合照,表現相當親民,不過就因此被fans包圍搞到寸步難行。

 

古天樂前晚出席電影節紅地氈儀式。 古天樂前晚出席電影節紅地氈儀式。 古仔表示不論電影成績
如何,都必會進行檢討。 古仔表示不論電影成績 如何,都必會進行檢討。 左起:古天樂、導演吳炫輝及姜皓文,一同出席活動。 左起:古天樂、導演吳炫輝及姜皓文,一同出席活動。
訂閱星島網singtao.ca電郵快訊,每天可收到最快新聞資訊: https://cloud.marketing.ccue.ca/singtao_subscribe

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
決戰卡塔爾
share to wechat

都市網新聞