陳冠希PO錫錫相加冧爆文賀老婆牛一 留8個心心Emoji：你係男人夢寐以求嘅人

 

今日係陳冠希（Edison）老婆、名模秦舒培嘅33歲牛一，陳太好嘢，生咗個女後完全收服呢位當年嘅「溝女王」，Son哥溝女史有幾勁唔使多講啦。近年陳太生日，陳生都會出PO賀老婆，今年當然唔例外，佢上載咗三張相，分別有肉緊錫老婆嘅相、老婆同5歲囡囡Alaia嘅合照同埋老婆嘅單人相。

 

係嘅，陳生都41歲，有老態好正常，但人哋老咗都係靚佬囉。

 

老婆同囡囡，目前陳生最重要嘅人。

 

名模果然係名模。

 

但重點係陳生嘅文字，原文如下:「HAPPY BIRTHDAY TO MY NUMBER ONE !!!!! ❤️?? @shupeicute YOU ARE THE BEST COMPANION I COULD EVER ASK FOR AND I WOULDN’T CHANGE A THING ABOUT US EVER !!!!! ??? THE BEST WIFEE ， BEST MOTHER， BEST BEST FRIEND A GUY COULD EVER DREAM FOR !!!!! ??? FOREVER TIL INFINITY !!!!!! ???」（強行翻譯:祝我嘅第一位生日快樂，你係我能要求嘅最好伴侶，我對你永遠唔會變，你係我最好嘅老婆、最好嘅媽媽、最好嘅朋友，你係男人夢寐以求嘅人，愛你至無限。)

 

陳生原來可以咁深情。

 

呢個表白真係好感人，仲要出自陳冠希口中，睇到都有少少眼濕濕，留意返，成段文共有8個心心Emoji，加三個心心錫錫樣Emoji，代表Son哥用文字都唔足以表達對老婆嘅愛，要靠Emoji幫拖。 

除咗老婆生日之外，陳冠希都有另一單開心事，就係佢間潮舖JUICE嘅夏威夷分店將於8月18日開張，計埋香港台灣同內地，家陣共有11間舖，好威水。

 

夏威夷分店將於8月18日開張，恭喜晒。

 

一家三口幫品牌影宣傳照。

 

之前一齊喺日本睇美斯踢友誼賽。

 

睇吓陳生幾CUTE，以前邊會見到佢咁得意㗎。

 

星島新聞集團慶回歸25周年專題網站，請即瀏覽

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。