樓價有得估丨鄭裕玲當年以110萬買何文田豪宅:畀1萬1千蚊就上到車

以「樓價」為主題的問答遊戲節目《樓價有得估》,由鄭裕玲(Do姐)、鄭衍峰及周奕瑋擔任主持。前晚(4日)播出第一集,嘉賓陣容為黎諾懿、高海寧對戰袁偉豪、謝東閔,黎諾懿除了答錯第一條問題外,其餘全部問題過關,成功Carry高海寧勝出比賽。

當中最精采環節,必定是Do姐及天王劉德華舊居影片。原來Do姐當年位於何文田的舊居非常寬敞,每間房都有扇門做間隔之餘,服裝間更設有多塊鏡子,啱晒貪靚女士,Do姐透露:「呢間屋喺1985年用110萬(港元)買,當時畀1%(首期)就可以上車,最後畀咗1萬1千蚊落訂。」至於華仔的廣播道舊居,亦是其首置住址,當年華仔更化身木工親力親為鋸木砌床,認真估你唔到。

 

Do姐與鄭衍峰、周奕瑋主持《樓價有得估》節目。

Do姐公開當年何文田舊居片段。

 

客廳非常寬敞,可以放置巨型梳化。

間房好多鏡,啱晒貪靚嘅Do姐。

 

當年用1萬1千蚊畀首期就買到。

 

另《樓價》外景主持黃婧靈(波波)還走訪了蔡嘉欣及何遠東的家,蔡嘉欣的家位於上車聖地屯門掃管笏,嘉欣於2018年時購入該個單位,她說:「嗰時資金唔係太多,所以見到一個比較平嘅樓花就買咗先,冇後悔過做呢個決定,依家個單位已經升咗值!」何遠東的家則位於大埔墟,遠東於十年前購入該單位,他透露首期、裝修費連律師費等合共花了近30至40萬元,他說:「嗰時(買樓)畀人鬧到七彩,話樓價咁高做乜買樓,但冇人會估到樓價之後係點㗎嘛?」

 

當年華仔自己嘅床自己砌,呢位天王會唔會太貼地呢?

何遠東同黃智雯。

 

劉嘉玲昔日索爆水着Look曝光

至於第二集的嘉賓陣容為黃智雯、何遠東對戰黃庭鋒、黃美棋。是集「邊個住貴啲」環節中,波波將會帶大家參觀吳紫韻及古天祥的家。吳紫韻位於將軍澳的家為483呎兩房特色戶,家中有露台可以隨時燒嘢食;而自言「成功靠苦幹」的古天祥則原來人生曾買過三次樓,更愈搬愈大間,上年便購入位於大埔的930呎3房1套單位;兩間呎數相差如此多的星級家居,到底購入價會是很相近還是差天共地呢?另外第二集帶觀眾參觀的昔日星級家居是劉嘉玲於1985年以74萬港元購入的舊居,片段更會有嘉玲水著Look暢泳畫面,相當青春有活力!

 

蔡嘉欣喺屯門掃管笏買樓,佢話冇後悔做呢個決定,因為依家樓價已經升咗。

何遠東屋企市價高過蔡嘉欣屋企。

除咗有劉嘉玲舊居睇之外,仲有嘉玲姐索爆水着睇。

 

 

星島新聞集團慶回歸25周年專題網站,請即瀏覽

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

聲夢傳奇2丨金永衡被淘汰唔開心 笑言自己輸樣同智商

獨家丨魏浚笙唔想累人搏盡無悔 為演好角色狂操肌磨練演技

港姐2022丨梁凱晴關楓馨入營分享參選心得 邵初希望佳麗主動發問

Hip Hop頒獎禮丨林明禎獲頒特選女神獎 穿黑絲騷美腿焫著全場

都市網新聞