森美叫大家唔好再將MIRROR事故升級 籲心情未平復要尋求協助

森美、張秀文、楊潮凱等今日錄影TVB節目《答得快 好世界》，森美表示與秀文婚後首次見面，笑言有恭喜她，但就嫌棄她說話大聲很嘈，指自己太太很乖巧，最大聲都是鬧仔，又以過來人身份向秀文傳授御夫術，「我將以前自己『衰』咗嘅經驗教畀佢，等佢綁住個老公，我同佢講，『我太太首先係交電話費，再來交埋其他雜費，最後我將啲錢交哂畀太太，由佢掌控晒我嘅財政。』不過，對我呢啲懶男人嚟講幾好。」

 

森美首次同「人妻」張秀文合作嫌她太嘈。

森美以過來人身份向秀文傳授御夫術。

森美今日錄影TVB節目《答得快 好世界》。

老婆係森美財政大臣。

 

唔會贊成MIRROR解散

講到MIRROR演唱會發生嚴重意外，問到可有關心他口中的「女婿安」Edan（呂爵安）？他說：「要關心嘅唔只佢哋，好多朋友都係，嗰晚大家嘅心情都唔好，今次係意外，唔好再將傷害升級，如果大家心情仍未平復，就要尋求協助。（MIRROR辭演日本Summer Sonic音樂祭係咪好可惜？）總有下一次機會，會有適當嘅時候，下次捲土重來，做得更好。（有傳MIRROR解散？）我反對佢哋解散，意外同佢哋冇關，佢哋嘅感受比其他人更深，相信佢哋會更團結，要支持佢哋。」

 

森美好關心「女婿安」Edan。

森美話MIRROR演唱會事故係意外，唔好再將傷害升級。

 

森美認為辭演日本Summer Sonic音樂祭唔緊要，下次捲土重來。

森美要發放正能量。

 

星島新聞集團慶回歸25周年專題網站，請即瀏覽

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。