獨家丨何依婷做食物鏈最低層 手術後學懂自我減壓

TVB以劇集《回歸光影頌》系列慶回歸,出動埋視帝、視后及上位姐仔、小生演出,何依婷於今晚播出的單元劇《神奇的燈泡》中飾演仙女,為失意的周嘉洛、江嘉敏燃點希望。對於被捧「名冊」榜上有名,何依婷笑言:「我個仙女角色係帶出被捧嘅同事,我只係食物鏈最低層!」採訪:方騫平

何依婷高中讀過世史,所以都有了解香港回歸嘅歷史。

劇中何依婷演現代版仙女,她都想試吓扮仙子。

由陳維冠監製嘅單元劇《神奇的燈泡》由周嘉洛、江嘉敏及鄭子誠飾演前路茫茫,各有抱負嘅都市人,由手持神奇燈泡嘅仙女何依婷帶來希望。由於仙女要從天而降,拍攝時何依婷企喺一盞街燈咁高嘅升降台,因為降落時嘅離心力,嚇到佢腳仔軟,唔敢望向下。

何依婷呢個仙子造型好可愛。

監製操刀學到嘢

被指受力捧,何依婷謙稱咁啱啫,「劇中由我帶出故事人物,所以由我去帶出被捧嘅同事!」她稱此劇重點係監製親自落場操刀,今次如同跟大前輩學嘢,對演戲重新認識。

有份拍回歸劇嘅何依婷唔認受力捧。

何依婷近日除咗主持新節目《魔法伽利略》外,又拍新劇《美麗戰場》,提到數月前曾秘密入院接受割除良性腫瘤手術,問到工作量增多,身體能否應付?她表示病後反而學會放輕鬆:「?家心態唔同咗,冇以前咁大壓力,唔會做唔到100分而唔開心,明白到只要付出努力就ok!其實做人最緊要係熱愛生活,取得身心健康平衡,因為睇通咗,?家開心咗好多。」

何依婷跟馮盈盈及魔術師甄澤權,齊主持新節目《魔法伽利略》。

受力捧嘅何依婷,最近忙拍新劇《美麗戰場》。

之前何依婷喺《機場特警》中,穿bra top洗車一幕引嚟好大迴響。

《十月初五的月光》中何依婷首做女一,反應好壞參半。

 

因為拍《十月初五》壓力太大,之前何依婷接受本報訪問時忍唔住喊。

星島新聞集團慶回歸25周年專題網站,請即瀏覽

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

變形女俠:律政英雌丨塔提安娜 馬克雷法路出席荷里活首映 過癮行紫地氈

溫碧霞養子大個仔往美國升學 一家三口峇里度假依依不捨

黃嘉樂靚仔童顏反遭定型「御用細佬」 憶亡父淚崩:跪地同佢講唔好走

《非常律師禹英禑》落實開拍第2季 台前幕後90%原班人馬再合作

都市網新聞