馬國明女友去澳洲惟踢波消磨時間 林夏薇自稱「飯桶」澄清冇暴瘦

TVB今日與內地紫荊文化集團舉行「戰略合作協議簽約儀式」，馬國明、林夏薇、胡定欣、黎諾懿等小生花旦齊現身撐場，場面熱鬧。剛完成新劇《法言人》的馬國明透露暫未再開劇，將休息兩個月，笑言現時正職是踢波。為何有空檔何不抽時間結婚？馬國明聞言笑說：「唔係有時間就結婚嘅，湯洛雯最近去咗澳洲做嘢，我都有工作，所以冇一齊去。」是否小別勝新婚？他甜笑稱：「小別完之後話俾大家知。」

 

TVB今日與內地紫荊文化集團舉行「戰略合作協議簽約儀式」。

 

馬國明及林夏薇早前一同合作拍《法言人》。

 

靚湯近日亦有貼出在澳洲的相片。

 

薇薇對於參演新劇的監製傳出染疫，她表示：「只知監製唔舒服，為安全起見停工一日做消毒，已經復咗工，而家密集式拍攝，只係日前打風停工。」她又表示拍劇存在疫情問題，也不能擔心太多，唯有做好防疫措施。薇薇昨晚（4日）在社交網上載跳舞片，但被網民指瘦到「皮包骨」，她笑言只是角度問題，並自嘲「飯桶」：「一向都咁瘦，廠有磅，我每日都上磅，最近反而肥咗，就快100磅，自己嘅食量都好大，食好多飯係飯桶，因開工要好多能量，就算半夜都會食飯、飲湯，食唔肥都係好事。」薇薇亦表示期待北上發展，希望更多新嘗試；而馬國明則沒所謂，坦言只希望有更多機會搵錢，追問是否賺老婆本？他則謂：「唔一定係老婆本，我都要養屋企人。」

 

薇薇表示自己是飯桶一名。

 

薇薇昨晚在跳舞片中，被指皮包骨。

 

星島新聞集團慶回歸25周年專題網站，請即瀏覽   

訂閱星島網singtao.ca電郵快訊，每天可收到最快新聞資訊： https://www.singtao.ca/subscribe/singtao.php

>>>訂閱CCUE YouTube 頻道，查看更多吃喝玩樂、生活資訊影片。

【看星島＊知天下】請立即下載「星島新聞(加拿大版)」App：
iPhone：https://apple.co/2IBi812
Android：https://bit.ly/2Pe8anu