ZA Bank發功 8月及9月每月抽一用戶獨贏100萬

虛擬銀行一向動作多多，除了要做好本業有吸引的產品及服務外，優惠多寡往往成為兵家必爭之地。 

繼有早前開戶送演唱會飛，又有消費券之爭，最近到虛銀一哥ZA Bank發功，見他們大灑金錢，廣告盡出地宣傳新優惠，明言將分別於8、9月內每月抽出一位用戶，讓他獨贏100萬港元。

見佢廣告有個肥仔揈晒頭咁跳舞(https://youtu.be/2YJ4vFwwtmE)。

係咪真係有咁大隻蛤乸隨街跳？當然銀行都要引你用卡消費，或者在ZA Bank app裏面完成指定任務，才有機會抽奬。不過，現在市道麻麻，加薪花紅又未必及以前，有100萬可以做上車盤首期加少少雜費，甚或可以少少地當移民前期生活費，都可能吸引不少普羅大眾碰碰運氣。 

聽ZA Bank公關說，只要消費越多，便有越多抽奬機會。見ZA Bank去年年底已有50萬用戶，要與50萬人爭，中奬機會應該大過六合彩嘅。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。