母親的乒乓球丨陳自瑤淡妝演屋邨媽媽 小演員欣禧首拍劇喊戲一Take搞掂

陳展鵬、陳自瑤(YoYo)、李欣禧、李爾晨及楊證樺等主演的《回歸光影頌》第二個單元劇《母親的乒乓球》今晚(5日)播映,故事講述十歲的余卓穎(李欣禧飾)熱愛打乒乓球,並受到透過內地專才計劃來港的教練郭一(陳展鵬飾)賞識。本身表現卓越的卓穎因勝負欲過重未能承受挫敗陷入低潮,加上與母親芷昕(陳自瑤飾)溝通不足漸生隔閡,一度意氣用事揚言放棄打乒乓球,母親及教練相繼產生矛盾。最終芷昕憑堅毅不屈精神感動了女兒,卓穎亦因感受到母親及教練的愛護蛻變成更強大的運動員,是一個暖心的感人小故事。

劇中為「博愛女一笑」挑戰打乒乓球的YoYo,現實生活中並不擅長乒乓球,故對同劇小演員欣禧既能應付演戲、又能打出好球大表佩服:「佢雖然第一次做戲,但出奇地做得好好,記對白好快好醒目。」YoYo又謂為演好貼心母親,不但多個場口淡妝上陣,她透露團隊在造型及人設上亦花了不少心思:「造型係想做到好普通,似番一個住屋邨嘅單親媽媽,角色情緒亦冇乜大起伏,純粹係想溫情啲,希望可以畀到多啲真實感觀眾。」YoYo笑指是次是與展鵬相隔多年後再合作,可惜對方已冇印象:「佢竟然忘記我哋第一次合作,今次相隔咁多年再合作番,都幾有新鮮感。」

陳自瑤希望今次嘅角色造型能夠貼地啲。

陳自瑤在劇中與欣禧有大量對手戲。

監製Andy覺得今次「雙陳配」好有驚喜。

展鵬本身是前港隊乒乓球手。

 

監製陳耀全(Andy)對欣禧讚不絕口,指她是劇中靈魂人物:「欣禧五歲開始打乒乓,我同佢都好有緣份,第一次同佢試戲時佢已經好多自己諗法,好有potential,所以我都幾快就決定用佢。」Andy透露欣禧有場喊戲甚至一take過完成:「有場佢同YoYo嘅鬧交戲,佢掟爛嘢再走上床喊,我只係拍咗一take,佢已經做到我要求嘅嘢。」Andy透露欣禧是透過內地專才計劃來港的張抗抗教練的學生,並感激張教練為劇組提供了不少重要資訊及創作靈感。Andy最後大讚「雙陳配」有驚喜:「兩位演員都有突破,因為佢哋本身都有小朋友,所以佢哋演繹時會代入到啲自己嘅嘢入去,演出嚟會多啲層次。」 

小演員欣禧,獲YoYo及監製力讚有演戲天份。

眼神好有火。

 

 

 

 

 

星島新聞集團慶回歸25周年專題網站,請即瀏覽

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

鍾舒漫與胞妹做生意感付出多回報少 有好同伴合作苦都變樂

《禹英禑》結局破ENA史上最高收視紀錄 朴恩斌用「禹英禑式」打招呼冧粉絲

獨家丨JW讚朱敏瀚EQ超高 電話畀陳瀅拋落海冇發嬲

車銀優宿霧玩水罕晒性感背肌 速吸逾600萬Like粉絲癲晒嗌So Hot

都市網新聞