獨家丨趙慧珊獲讚達影后級數 拍《黑金風暴》首演動作戲

趙慧珊(Aka)和導演林迪安最近在開電視劇集《黑金風暴》首度合作,雖然這是 Aka處拍劇,但林導卻大讚她既聰明又有heart,拍首場文戲表現已達影后級數,最難得連動作戲一樣值80分,講明該劇開下一季必預她。而林導女兒林沚羿早前參加《聲夢傳奇》入行,他坦承最恨跟囡囡拍戲演父女。採訪杜 攝影:沈健程 服裝:Snidel 場地:The AIR (The ONE)

Aka跟林迪安導演雖然是初次合作,但兩人惺惺相惜。

 

面對林導,Aka坦承未開拍已有一定壓力,「老實講我一開始係有啲怯,因為知道合作嘅係個大導演、荷里活嘅導演。第一次見到林導好緊張,以為佢好嚴肅,但佢竟然知道我個名,叫我慧珊,諗住佢連我係邊個都唔知,真係好親切。」拍落Aka更覺獲益良多,「佢拍動作場面全部都快靚正,就連揸槍手勢咁小嘅嘢都會提我,『記住望住支槍,對眼唔好眨』,跟住我就去試,出嚟個動作真係靚好多。」

Aka本身有舞蹈根底,對演動作戲有一定幫助。

 

林迪安除了做幕後,一切也有參與幕前工作。

預告開拍下一季

林導反而盛Aka這個拍劇新丁表現,「我同佢傾咗場戲之後,等佢自己發揮先,佢一演嚇親我,影后嗰啲級數呀!」聽到導演說話,Aka勁開心狂笑,點知只是開始,林導提到拍爆破等動作場面時,再次力讚她,「佢聽我講啲動作時都驚,哈哈!問佢有冇問題,佢講冇問題都有少少震,但feel到呢個女仔得,起碼個口夠膽講冇問題先,有啲會話會彈到塊面喎!但係佢有成功演員必備嘅條件,就係有heart,佢喺做動作嚟講有80分,慢慢再增長,嚟緊第二、三集就有90分。」追問林導是否預告開下季?「睇吓觀眾意見,但係我哋係預咗。」至於係咪會預埋Aka份?林導即搞鬼話:「嘩!一定要啦!冇佢我都唔做,哈哈!」

經常林導調教,Aka揸起槍來似模似樣。

 

Aka在《黑金風暴》演ICAC調查主任,有機會跟黃浩然和李璨琛等前輩偷師。

Aka林導好風騷,提到囡囡林沚羿更加成個冧晒,仲話自跟囡囡3歲時合作過《蜘蛛俠2》後,已經冇合作過,好想跟囡囡再合作,「睇返個女3歲拍《Spider-Man 2》,呢個紀錄就算你煙消雲散後,永遠都喺度,所以有生之年,有套戲我哋飾演返兩父女,都覺得幾正。」

林導女兒林沚羿,早前參加《聲夢傳奇》入行。

 

林導出任《Spider-Man 2》動作指導,而囡囡林沚羿亦與Tobey Maguire有對手戲。

 

星島新聞集團慶回歸25周年專題網站,請即瀏覽

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

栢天男想向古天樂自薦演科幻電影 做香港隊長傳達正面訊息

60歲楊紫瓊喜事重重 獲聖巴巴拉影展成就獎

薛凱琪入行17年拍過4次拖 曾受情緒困擾靠怒摑祖藍發泄

獨家丨Edan走出紅館騷意外陰霾 打籃球散心Fans求合照來者不拒

都市網新聞