獎門人丨陳瀅周嘉洛黑色情侶裝示人 食辣辣壽司有助拍喊戲

陳瀅和周嘉洛曾傳緋聞，昨晚二人為TVB遊戲節目《開心無敵獎門人》錄影，心有靈犀以黑色情侶裝示人，但他們都說事前無夾過，指隊友張頴康都是穿黑色，陳瀅表示當年拍攝《女人俱樂部》時曾做過《獎門人》嘉賓，認為最經典的遊戲是「辣辣壽司」，稱剛入行要拍喊戲，就是靠食wasabi練習，周嘉洛則表示未玩過《獎門人》，知道會有淋水環節，所以特別準備了拖鞋，又帶多對襪替換。

 

大家都戥陳瀅緊張。

姜麗文好勁，成功接到食物入口。

 

周嘉洛最近拍新劇《寵愛Pet Pet》，但因監製陳耀全確診而停廠，周嘉洛說：「監製身體不適，休息中，停廠唔知關唔關事，但都係停兩日，明天繼續開工。（你擔心嗎？）唔會。（因為你確診過有抗體？）唔清楚，但屈指一算都差唔多三個月，都要小心啲。」

至於陳瀅就正拍攝新劇《美麗戰場》，透露日前拍完戲中的選美情節，笑言小時候曾被長輩提議選港姐，但自己怕醜不夠膽，入行後都好奇選港姐是否都有很多勾心鬥角的事，「我有問同劇嘅蔡嘉欣，但佢話冇。（拍選美情節要穿泳衣？）有好緊嘅運動衫，背心短褲，同泳衣都冇太大分別，我都好少咁打扮。」問周嘉洛可有看過陳瀅的性感打扮？他笑說：「未有機會，有機會當然想睇，平時都是睇佢嘅社交網。」

 

陳瀅同嘉洛穿黑色情侶裝現身。

佢哋話冇夾過。

陳瀅後面係大露背。

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。