獎門人丨張頴康囝囝講錯有兩個媽媽 JW忘形搵啖食幾乎走光

TVB遊戲節目《開心無敵獎門人》昨晚在將軍澳電視廣播城進行錄影，招待430位現場觀眾，場面熱鬧。嘉賓陳瀅、周嘉洛、王灝兒(JW)、張頴康、連詩雅、姜麗文等分成兩隊玩遊戲，張頴康太太麥雅緻更帶同子女前來捧場，囝囝張迅橋「小花生」在熱身遊戲中順利勝出，當志偉送禮物時問他有多少家庭成員，他即口快快說：「有一個爸爸，兩個媽媽。」全場爆笑。一眾嘉賓之後玩「搵啖食」遊戲時非常投入，不時玩到失重心跌低，鄭融為尊重遊戲除低高跟鞋上陣，但最後失敗而回，JW更幾乎走光；當張頴康在兒子面前成功吃到蛋撻，即時擺出勝利者姿態。

 

獎門人曾志偉率新舊主持回歸。

鄭融除高跟鞋應戰，但都食唔到。

JW玩得忘形，烏得太低幾乎走光。

張頴康囝囝張迅橋口快快講錯家庭成員：「有一個爸爸，兩個媽媽。」全場爆笑。

 

麥雅緻帶同子女捧老公場。

張頴康喺兒子面前成功吃到蛋撻，即時擺出勝利者姿態。

 

呢「抽」麵長到呢.....

 

連詩雅唔理未婚夫勸籲繼續節食

連詩雅（Shiga）和陳家樂宣佈訂婚後，經常被稱呼做陳太，她笑言還未正式是陳太，但多謝大家的祝福。有指家樂即將到內地開工？她說：「唔知道，工作嘅事大家都係問佢會清楚啲，我唔係好清楚佢嘅工作，但我哋都信邪，工作未正式落實時都唔會公佈，如果佢真係要到內地工作唔會唔捨得，現在科技發達，要聯絡都很方便。」

講到家樂不停叫她增肥，Shiga即表示男女對肥瘦看法不同，指女藝人上鏡會顯肥，自己想瘦一點才會節食，但家樂認為健康最重要，擔心她營養不良，才會不停叫她食多點東西，至於她又可滿意家樂的身形？Shiga說：「嘩！佢一直都好fit，佢對自己身形好有要求，係個勤力寶寶。」又說今次是第2次上《獎門人》，對上一次已經是13年與官恩娜和周柏豪一起，笑謂今次很緊張，擔心自己轉數慢會拖累隊友。

 

準人妻連詩雅為上鏡靚啲節食減肥。

今集嘅參賽嘉賓。

招待430位現場觀眾，場面熱鬧。

 

大家都玩得好開心，SUPER！

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。