蓋鳴暉獲李居明讚創造「蓋腔」 曾揚威日本演出經典戲寶

粵劇名伶蓋鳴暉(Joyce)日前接受香港開電視主播馬梓軒專訪,分享其主演的經典戲寶《蝶海情僧》即將重演,Joyce對此坦言感慨良多:「自從2011年開始同李居明大師合作,我好慶幸能夠重複演出,而今次已經係第11度演出,自己係好興奮而且好開心!而我哋嘅班底已經合作咗好多年,大家嘅默契相當好,希望再次演出嘅時候,能夠更加昇華,感情演繹方面更加細膩,刻骨銘心、扣人心弦!」

提到這部經典戲寶早年曾揚威日本,Joyce亦都充滿回憶:「當時好開心亦都好難忘,因為我哋嘅粵劇從未試過去到日本演出,嗰陣我哋做咗好多功課,做晒日文同英文字幕,希望佢哋可以一齊投入!我自己好欣賞日本人好友善好有禮貌,而且好尊重舞台藝術,佢哋真係鴉雀無聲咁樣睇晒成場,仲盛裝着晒和服出席睇我哋演出,我哋當時好感動!」

Joyce的演出不但贏得觀眾掌聲,李居明大師更盛讚她在劇中的唱腔已超越很多前輩,甚至創造了「蓋腔」,Joyce則笑言:「唔敢當!因為我自己入行多年,自己選擇行文場戲嘅路線,我將拍電視劇嘅經驗放咗喺舞台上!因為舞台上我哋真係硬橋硬馬,或者好誇張咁樣講對白,然後我就將佢融合左一齊,好似落咗柔順劑咁樣,所以參與呢部作品係令我學咗好多嘢!」
 

蓋鳴暉接受香港開電視主播馬梓軒專訪。

Joyce已經係第11度演出經典戲寶《蝶海情僧》。

李居明讚蓋鳴暉創造「蓋腔」。

 

星島新聞集團慶回歸25周年專題網站,請即瀏覽   

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

馬思純新戲上映緋聞男友祝大賣 張哲軒貼裸體剃鬚相被鬧猥瑣

《觸目驚心》Anne Heche疑酒駕撞車腦部重創 恐無法生存家人願捐出器官

薛凱琪入行17年拍過4次拖 曾受情緒困擾靠怒摑祖藍發泄

郭奕芯淫邪形象男友稱不介意 合組公司兼已見雙方家長

都市網新聞