Phoebus帶粉絲遊巴士河 與女粉重演MV「挨膊頭」一幕

日前Phoebus吳啟洋@P1X3L推出首支全新派台作品《漸漸地》，MV推出後最高登上熱門影片第4位，有粉絲在MV影片下留言「估唔到Phoebus嘅聲線咁好聽，以為佢只係sell外貌」，為答謝粉絲的支持，Phoebus與粉絲在炎炎夏日遊巴士河！

 

Phoebus話原本個頭set得好好睇 ，點知一開車，個頭已經亂晒。

同Fans一齊遊巴士河。

 

在30度高溫下坐開篷巴士，Phoebus表示：「好興奮可以同粉絲見面，亦都係我人生第一次坐觀光巴士。原本個頭set得好好睇 ，諗住以最好嘅形象見fans，點知一開車，個頭已經亂晒。開蓬巴士原來係好大風仲要比fans影咗好多黑圖。」

 

仲有自製車票。

唔少得大合照。

逐個影，好開心。

重演《漸漸地》 MV「挨膊頭」一幕，粉絲冧晒。

 

掛滿Phoebus《漸漸地》横額的開篷巴士，由尖沙嘴出發駛到九龍灣展貿中心，車程中主角拿起咪高峰與粉絲傾偈，更不少得合照環節。令粉絲最興奮的時刻，當然是重演《漸漸地》 MV「挨膊頭」一幕，隔着口罩都感受到粉絲們的熱情。Phoebus高興地説：「嗰日天氣好好，加上我哋係由黃昏坐到夜晚，路程中要經過唔同隧道，感覺好似玩緊過山車咁。好開心有呢架《漸漸地》巴士，多謝粉絲同公司畀咗一個咁好嘅回憶畀我。」

 

《漸漸地》 MV「挨膊頭」一幕，好sweet。

Phoebus 推出首支全新派台作品《漸漸地》。

 

 

星島新聞集團慶回歸25周年專題網站，請即瀏覽   

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。